إيه سولف لي ترى الاسماع ولها
إيه سولف لي مادام العمر فاني
ياحبيبي حقق لنفسي أملها
في غيابك ضاع تحقيق الاماني
الليالي في غيابك في مهلها
وفي وجودك كنها صارت ثواني
كن قلبي بحر للفلك يحملها
وكن شوقي فلك في بحر ومواني
أه لو تدري حبيبي عن عملها
كلمة(ن) ينطق بها شفاك بحناني
كان تدرك وش مدى يسحر عسلها
والدليل إنه حواني وإحتواني
طالبك ياروح روحي دوم قلها
لاتكون إبها بخيل ولا أناني
قول أحبك شيل عن روحي وجلها
وأسقني نبع الغرام من اللساني
طالبك قبل الحياة يفوت أجلها
طالبك مادام حظي لك رماني
دايم الايام تسقيني مللها
والسعادة يحدها عني زماني
وماقتل فرحة خفوقي ماقتلها
غير وقتي والبخت يومه عصاني
