وش حيلة اللي لابغا النوم... ما جاه
وش حيلة اللي لابغا النوم ماجـاه
يسهر معاه التفكير واشقى جفونـه
يجلس مع الهوجاس والنار تصلاه
وانظم قوافي الشعر بأحلى لحونـه
سبت وليفن متعب القلـب فرقـاه
اقفا وبرق الوصـل قفـت مزونـه
وش حيلتي والقلب لازال يهـواه
لا قلت انسى قـال ماقـدر اخونـه
اشهد شهادة حق ماشفت حليـاه
ولا شفت في زين المها مثل لونـه
دلع وخفـة دم يازيـن ممشـاه
يشغل قلوب الناس بنظرة عيونـه
عنيد في حبه وتحيـرت لاقـواه
اشعل خفوقي في غـلاه وجنونـه
لاجيت ابرقد مر طيفـه وطريـاه
وفزيت من نومي ونفسي مغبونـه
لازال جرحه بالحشا مالـه ادواه
وبيته بوسط القلـب ثابـت لكونـه
هذا محله في خفوقـي ومركـاه
ومشاعري والروح للحين يبونـه
عليه قلبي ماهواء الشعر لـو لاه
ولا نظم القيفـان وابـدع فنونـه
ترخص حياتـي كلها لـه وتفـداه
راعي الجديل الي يغطـي متونـه
حلفـت بالله ماتجاهلـه وانسـاه
والقلب جعـل الله يوقـف بعونـه
وختام شعري بريحة الهيل نرقاه
من ضامرن هايض بفكره وضنونه
