المكان اللي وصلته مو مكاني
.
.
ياغـيابه .. وش ورى : زود التـــمنّي
غير (حسرة )..تصطلي بين المحاني
كنت اجاهر في صمودي.. واحسبنّي
بنت صلبة .. ما تعاني ، ماتعاني..!
لين جــــرّبت الشـــعور اللي : طـــعـنّي
عقبها ..حسّيت بـ اني شخص ثاني
شيّ موحش في رحيله / قد ســـكنّي
مايقال .. وُلا تفــسّرْه : المــــعاني ..!
يوم فارق ..كنّه .. آخذ قطـعة مني
لا وربــــي كنّه .. بكــــــــــبري خــــذاني
والله انّ الشـــوق في بعده : يعـــــنّي
يجبر حـــــروفي تبّعثر في : لــــساني
الـهوى .. هذي ســــهومه قد رمـــنّي
وذاك من بدّ البــــشر سهمه رمـــــاني
والحقيقة ..(طحت له) واخلفت ظنّي
والمكان اللي وصلته .. مو مكاني!!
