ياهايم بليل كسا صده البرد
ياهايم بليل كسا صده البرد
سلام يا اهل الشعر في البدع والرد -- والحبك في سحر المعاني والاوزان
يا اهل الشيم من سابع الجد للجد -- (والضاد) صوت افعال ذربين الايمان
الناس خير وخيرهم صادق الود -- والام فصحى وافصح الذكر قرآن
والارض قلب الارض والحد بالحد -- وما قد بنت ارض ن بلا جهد الانسان
حنا آخر الخلق ولنا خالق ن فرد -- ومحمد ختام الرساااااااله بفرقان
جا للعرب بالمعجزه والعرب صلد -- والقصد (اقرأ) وان تفهمت باحسان
بالصدق مابه فرق في اللهو والجد -- والنفس تسمو كل مازاد الايمان
واذا عرفنا بان في الاخره وعد -- هانت يابو تركي ثقيلات الامتان
ياااااااهايم بليل ن كسا صده البرد -- هونك على قلبك ترا الكل بردان
وياسامرين الليل بالحب والوجد -- لاواهني العين والشوق سهران
هلا هلا بمورد الخد ؛ بالقد -- يامرحبا ولهااااان ولهان ولهان
دونك حلا عطنيه لاهنت ياورد -- وتعال جنبي ذا محلك بالاحضان
سولف علي ثرثر تغنج تصدد -- ودك نسوي مثل لينا وعدنان
ما احلا الطفوله يوم الاحلام تنعد -- وكل ما كبرنا عد واغلط بالاحزان
دعوة تفأااااااااااال كاذبه بس وبجد -- لالالالالازم نصدقها مرونه يافنان
يعني اش كسبنا يوم نجرح ونبعد -- ويعني اش حصل فالكون لامسيت زعلان
مسكين ياجفن ن مسوود من الصد -- ما قلت لك قبل انك تصد غلطان
