لا تغير الموضوع لا قلت وش فيك
اذا تبي الفرقا ترى الوضع عادي
منت مغصوب لي ولا ميت فيك
انا في وادي وانت في وسط وادي
عجزت اعدل فيك ما جاك يكفيك
بس القلوب السود تزرع سوادي
يا كثر ما تكذب وانا اسكت وخليك
لوقلت ابحصيهن حصيت الجرادي
لا ضاق صدرك جيت عندك اسليك
اضحك معك وانسى عذابي وزادي
بس انتهى الموضوع ماعاد يمديك
البس على الفرقا ثياب الحدادي
اثرك تبي اللي مثل طبعك يسليك
في ذمتي غادي ومن جاك غادي
صوتي خلاص انساه ماني مناديك
نارك ترى صارت بقلبي رمادي
ان طعت شوري لا تجيني ولا اجيك
خلني بجوي دام هالجو هادي
