((((( أقول يا حلوك ليا من تبسمت )))))
أقول يا حلوك ليا من تبسمت
أموت لو أكرمتني بابتسامة
أنهار أنا كلي وينهار هالصمت
ويرف لك قلبي وكنه حمامة
أنهيتني وبشوفتي لك تحطمت
هذي شظايا القلب وهذا حطامه
تجرحني بصمتك ولا من تكلمت
لجروح حكيك في فؤادي علامة
وقوس لعينك يالغلا يوم سلهمت
بأقصى خفوقي غايرات(ن) سهامه
أفز لك كلي وللعشق سلمت
سلمت لك قلب صدق في هيامه-
تقول وش سويت؟ يوم ان تألمت
أدمنت تجريحي وتخشى الملامة!
عرفت أنا جورك وبربي أقسمت
إن الهوى فارس وعينك حسامه
أحبك إيه أقولها لك وعزمت
ويقولها قلبي ونبضه كلامه
لبست شوقك وبغلاتك تلثمت
وسكنت قصر الحب وأفخر خيامه
أنثر ورود الحب لك كل ما قمت
قلب المتيم جاك ينثر غرامه
أقول يا حلوك ليا من تبسمت
أموت لو أكرمتني بابتسامه
