ذوق عن غير كل الاذواق
بديت بسم الولي قسام الارزاق
عساه يقسم لنا في امورنا خيره
سر يا قلم على بيض الاوراق
واستقم ولاتجنب يساره ويمينه
زان القصيد من كثر الاشواق
والحال بان فيه الشوق وتعبيره
للي خذ القلب وجيتاه منساق
كلي لجل عينه اسمعه واطيعه
يازين طبعه والزين به فاق
اختلف بالحلى شكله وتكوينه
ذوق عن غير كل الاذواق
هوفرحة القلب وهلال عيده
ياوجدي على ضمته وعناق
وجد الغريب الي فارق مدينه
في طلعته كنها حزة اشراق
تنور الدنيا في عالي جبينه
شاقتله افكاري والقلب شواق
والصعب يبشربه وله نجيبه
يفداه الكون وعمري الباق
ويفداه من ضيع شره مع خيره
