إذا لك حق في قلبي , فأنا لي فـي غَـلاك حقـوق
يسعد صباحكم / مساكم
هلا بالجميع ..
لقاء متجدد يجمعنا احبتي واتمنى ماراق لي يروق لكم ...
على درب القصيد أسوق قلبي والخطـاوي شـوق
وإذا مالت بـَي الخطـوة علـى دربـك تناسيتـه
يهز الشـوق بأعمآآقـي عناقيـد الغـرام عـذوق
ويقطف بالغلا فيني غـرامـ(ن) خنـت وأخفيتـه
أحبك كثر ما يشعل غرآمك فـي حشـاي حـروق
وشبٌه زود لو يحرق ضلوعي مـت مـا اطفيتـه
أحبك دمعتـ(ن) طاحت على خد الصباح اشـروق
يموت النور لـو طاحـت علـى كفـي وضميتـه
أحبك.. إيه أحب إسمك وأمـوت بجيـدك المنتـوق
و تخيل كثـر مـا أكـره صـدودك .. قمـت حبيتـه
تموت من البطا غـْيمه طعنها مـن جفـاك بـروق
وغشى روض الحشا وسمي جفافك وإنت ما ارويته
رحلت وما بقى منك سواك إنت وعنـا مفهـوق
عنـا ذاك الربيـع اللـي غشانـي مـا تمنيـتـه
تعال إجرح على كيفك.. تربـع واستحـل عـروق
تدلـل والبسـاط أحمـد وأنـا لرضـاك مديـتـه
قم إسهج لآخر ضلوعـي تغلغـل داخلـي برفـوق
حلالك ما بقى منـي مـع اللـي لأجلـك أفنيتـه
من اللي من غديت أجمل قصيدة ما غـدا لـه ذوق!
ومن اللي ماكتـب باسمـك قصيـده وانكسـر بيتـه!
وربي من كتبت إسمـك وسكنته بقلبـي فـوق
وأنـا مـا دار فـي بالـي قصيـد(ن) مـا تحاليتـه
دخيل الدمعتين اللي غـدت منهـا الخـدود شقـوق
ترفق سِامحك ربي علـى قلـب(ن) لـك أهديتـه
إذا لك حق في قلبي فأنا لي فـي غَـلاك حقـوق
وحقوق الشوق محفوظـة وحّـدي مـا تعديتـه
يذكرني مـساءالورد وإسمـك والحـلا والـذوق
وأردد يا ( أجمـل أحلامـي ) بقافـي يـوم هليتـه
اخوكم / رايق البال
