ذنبه أيه الورد لما يقطفوه..
ذنبه أيه القلب لخضر... يحرقوه ..
والربيع البكر..
والشوق..
والامانى... يسجنوه..
ذنبه أيه...؟؟؟
*****
ذنبها أيه الحديقة يعطشوها...
والاراضى العطشى تانى يشرقوها..
والسما مليان سحاب...
والجداول .. فيها ميه تكفى كل الارض ..
مش وهم وسراب
ذنبها أية الجناين...
لما يحكمها ...غراب..
*****
ذنبه أيه هذا الجمال..؟
ذنبه إنه مش مزوق...
مش ملون بالضلال
انت قلب.. بس غير كل القلوب..
إنت ضي ف نجم عالى..
بس تعبان م الهروب.....
انت لحظة ف عمر تايه
عمر شارد للغروب
*****
انت يا زهر الموالح..
عطرك الفواح يسافر..
فاح على كل المطارح
إنت يا نوارة غير كل الزهور
انت عالم م الخيال
انت دنية ..بس ماهش أى دنيا..
إنت لحظةمن دلال..
وانت لحظة..بس دنيا من جمال..
*****
ذنبك أيه...
لو سابوكى تعيش عمرك
لو سابوكى تشمى عطرك
لو سابوكى...
كان هيبقى العمر بيك..
عمر تانى مالوش مثيل..
عمر أجمل ألف مرة..
والدليل..
هى نظرة من عنيك..
وحدها .. تشفى العليل
*****
جمال نصير
