((((( ســـــــــــــــــــــــــــلام للحبيب )))))
سلام للحبيب اللي تكملت بشوفه كل المناظـــــر
وطيفـــــه يرسم شعاع البدر على الحلم والمنـام
هلا بنبض احساسي واللي على حياتي تكابـــــر
هلا بلي متعلي فوق قلبي وله منازل الهيـــــــام
** **
انـتي البحر وانا على مواني حبك طيف عابــــر
وعلى موج البحر صرتي انتي الطيب والغــرام
انتي ريحه المسك والعود وحسنك ماله نظايـــــر
وانتي غلا روحي وبسمه سعاتي على مدى الايام
** **
عجزت يالغرام في رســـمك الاقلام والمحابــــــر
وعـجزت في وصفك حـبر القوافي وتعابير الكلام
انا لاجلك نقشت اسمك على روؤس كل الخناجـر
ورسلت مع طيور الاشواق لك احلى ســــــــلام
** **
ونثرت لك الورد وفرشت بدروبك الحرايــــــــر
وما شفت غير حبك ينير دروبي من عقب الظلام
وكتبت لك الشعر والقصيد وانا ماني بشاعـــــــر
وغيرك ما سكن قلبي ونسيت بحبك بنات الشـــام
** **
انا قبلك ما ذقت الحب ولا خطيت بايدي الخواطر
وصار حبك اليوم على صدري اغلى وســــــــام
ما لي يا لغرام في الغرام غيرك انسان طاهــــــــر
وما لـــي في غفوه نومي غيرك احــــــــــــــلام
** **
دعيت ربي يحفظك بصلاتي من كل المخاطــــر
وما تشوف بدروبك غير السعاده والابتســــــــام
واقسمت بربي ما انساك حتى ادفن بالمقابـــــــر
حتى وانا بقبري ارسل سلامي مع صوت الحمام
