((((( لا صار ذل النفس فـي قلـب يغليك )))))
راسك علامك رافعه يوم أحاكيك ؟
الظاهر اني فـوق حجمـك عطيتـك
لحظـة نـبـي نـرجـع دقيقة لماضيـك
بــ أذكـرك في أي حـالـة لقيـتـك !!
كـان الضيـاع ودمعتـينٍ تـخـاويـك
منهار وفـي عـز إنهيـارك خذيتـك !!
وارخصت عمري لأجل احبك واداريك
هدمـت قصـر الـذل فيـك وبنيتـك
كـان الغـلا شمعـة تـنـور لياليـك
لو أظلمت دنيـاك .. جيـت وضويتـك
يا للأسف كنت أمدحك وأفتخـر فيـك
رفعت مـن شانـك وعليـت صيتك !!
كنت عندي غير ومـا أقـدر أخليك
وأموت وأحيا ان قلـت سـم وفديـتـك !!
اليوم أشوفـك خنـت حتـى مباديك
صغرت في عيني أنـا اللـي هويتك
الضيـف .. لـو انـه عـدوٍ معـاديك
غصب عليـك تقّـدره وسـط بيتـك !!
يا صاحبي بـ تمـوت ومانـي براجيـك
واشره علّي .. ان كـان حتـى طريـتـك !!
لا صار ذل النفس فـيقلـب يغليك
يلعنـك يـا قلـب عشقـك وشريتـك !!
اضحـك حبيبـي دام وقتـك مسـليـك
بكره .. تموت من القهـر لا نسيـتـك !!
