ساهر وعيني ماطراها تنامي
البارحه ما نامت العين لله
ساهر وعيني ماطراها تنامي
كله سبايب من هوى البال كله
اللي عليه القلب مشغّل هيامي
واللي أعتقده لي دواء صار عله
واللي أعتقده نور سبب ظلامي
وماكنت اظن الحب لحظه امله
الين شفته مّل حرفي وكلامي
والله حسيبه كان جرحي هواله
غديت انا وجروح قلبي حيامي
ماكنت اظن الحب يصبح مذله
الين من بيّع غلاي وغرامي
ماهو كفو هالحب ماهو كفواله
والحب في حضرته والله حرامي
في سموم القيض كنت شجرتله
ويشرب من اوراق الغلا كالغمامي
علمته كيف الحب يصنع أمّله
واليوم يتبع في هواه والحلامي
يبيع ويشري في هواه مايحله
يعلب علي الحبلين كنه عصامي
قلبه غدا للحب حرفه وفنله
كل يوم له عشق ومحبه دوامي
الله على اللي كان ضايع وأدله
واليوم كنه مايهمه علامي
لاوالله الا فيه عله وخله
اللي عليه اليوم اصبع اتهامي
ماله شيٍ في ضميري وأجله
كل شي بعته مابقى الا الحطامي
ومعاد له فالحب دقه وجله
للي شعوره سلعتن للسوامي
ماكنت اظن الحل يصعب حله
الين بعته من هواي وغرامي
ساعة هنايا يوم فرقاك هله
ودعتك الله في امان وسلامي
