طفله تبآري الغيم في طهره .. ()* !
-
هي حكاية ما تِكَرّر بالليالي
أنثى لكن غير عن كل البشر
طيب(ن) ودين ..وعقل
منطق .. وحسن .. وفضل
من تكون ؟
و وش تكون ؟
هي تراتيل السكون
ماأكون إنْ ما تكون
هي صدى قلبٍ حنون
أمي ملفى كل خير ..
هي غير وربي غير ..
يمّهْ .. إنتي
والله غيـــــر ..
من بهالدنيا سواك
(ا)لْرِضَى قلبهْ سَعَيْت
من يِسَاويك بْغَلاك
و مِنْ على جَالَهْ رِسَيْت
ويا فديت
طيبِكْ و رَوْعَتْك يُمّه
ويا فديت
رِيحِكْ وحُضْنِك وضَمّهْ
وما رِجيْت
إلاإني أشْبَهِكْ
وأقضي أيامي مَعِكْ
ويرضى ربي من رضاك
ويرضى ربي من رضاك
أعظم الدعوات قلبك
وأبرك الساعات قُرْبك
ولْرضاك أفْنِي حياتي
يا بعد روحي وذاتي
حضنك الدافي ملاذي
لا طواني الهمّ طيّ
الجأ لحبّك يايمّه ..
لين أحسّ بقلبي حيّ ..
هذي أمّي .. هي أمّي ..
حبها بالقلب ساكن مايتغير
مايتأثر
كل يوم وهو يكبر
كل يوم وهو يكبر
كل يوم وهو يكبر ..
غايبٍ أقْفَى وحَلّ
في مدارات الحنين ّ..
من غِيَابهْ مايِمِلّ ..
ومن غِيَابِهْ لي أنين .،؛َ
إيهْ يُمّـهْ ..
هذا ثوبهْ تذكرينه؟
وهذا عِطْرَه تعرفينه ؟
وهذي نبضات الغلا ..
في خفوقي تسمعينه ؟
اي وربك ايهْ يُمّه ..
أدري يُمّه ..
أدري إنّهْ كان يْحِبْنِي
كان يتنفّس هَوَايْ ،
كان يْعِدْنِي ..
روحهْ و نبضهْ و قلبهْ
ما يحبّ أنثى سِوَايْ ..
هيييييييييه يُمّه ..
تذكرين ؟
يوم جيتك
وقلتي لا تتدلّعيْن ..
وقلبي قدّامِكْ حَلَفْ
لهْ أبد ما يِسْتِكِين ~.!
وقلت ما بعطيهْ وجهْ
لين يراضيني وألين
ليش يْقول عنّي سمرا
و إنتي قمتي تضحكين
قلتي يعني .. بين و بين ..
إنتي حمرا
وما بهم شيْن الثّنيْن ..
ثِرْتْ يُمّه تذكرين ؟
غِرْتْ يُمّه تنكرين ؟
بتقْهَرِيني كنتي يُمّه ..
وكنتي ياروحي تبين
أرجع بأشواقي يَـمّهْ ..
أعذرهْ وأمسح بِكُمّهْ ..
دمعْ عيني والحنين ..
كنت أحبّهْ مووووت يُمّهْ
كنت أبوه وكنت أُمّهْ ..
و أحمل همومهْ و غِمّهْ ..
وينهْ يُمّه ؟؟!
اسأليه ليش راح
وليش قلبي
ممتلي بعدهْ جِرَاح ؟
يمّهْ تكفين اسأليه ..
ليهْ جِرْحي عقبه صاح ؟؟
وليه طيب الفرقى فاح ؟؟
و ليش قلبي عقب صوته
حارب وصفق وناح
يُمّه .. إنتي تعرفيني ..
هذا شكلي وهذا زَيْنِي
يُمّهْ مو حلوه أنا؟
ادري يا بهجة سنيني ..
أدري يُمّه ..
أدري إنّي يا عيوني
بالحسن متفرّدة
وبالصبر متجلّدة
وبين صبري والحنين
دايم(ن) متردّده
زين يُمّه ..افهميني
يا بعد قلبي وعيني
يامحطات لْوِنِينِي
والله ماابكي بعدْ ..
والله ماأشكي لأحد ..
والله ماأوصل لِحَدّ ..
فيهْ مني تجزعين .!
والله لآكون القويّه ..
بنتك الحُرّه الأبيّه ..
والله ماأستجدي فـَيـّهْ ..
بس يعود يقول ليه ؟؟
ليه دربي يتركه
ودرب غيري يسلكه
وقلبي بس هو يملكه
حتى لومن بعد حين
يُمّه لا تستغربين
حتى لوهي سْنتين
ماقدرت أحب غيره
رغم إني مستخيره
بأمر ربي مستجيره
بس يذبحني الحنين
و يُمّه لا تتكدرين
تحسبين اني ضعيفه
لاوربي ياالعفيفه
بنتك اللي تشبهك
ماخذه منك حلاك
ومن رويحاتك بهاك
وطيبةالقلب وعطاك
ماهي هي اللي تخون
ولاهي بالعَيْبَهْ تِشِين
يعني لا تتكدرين
دام راسي فوق عالي
و واقعي يهزم خيالي
بشيمتي أربط حبالي
وبرضا للوالدين
ببقى هالثغر الخجول
وأرسم البسمة وتطول
وتهطل البشرى هطول
وبيتلاشى هالأنين
وبيتلاشى هالأنين
وبيتلاشى هالأنين
لو سألك الحبّ عنّي ..
قل لهْ أقفت ..
من بعد ذيك الليالي
عنّي لدّت ..
وبْحضن أُمْهَا تعيش
بألف خير ..
بألف خير ..
بألف خير ..
وأغنّي له
و اشوف الليل
يصغي لي ويُومِي له ..
يمر الوقت
وتبلّ الأغاني من طَعَم جرْحِي مواويله
وأغنّي له
وترجع مع صدى صوتي ..
عذاباته / و ترتيله ..!
وأغنّي له :
كنت أحبّك إيه لكن كنت أخاف
............ كنت أعيشك إيييييه/ لكن كنت أموت
أنْسِج اِلْك من أبيض الغيمة لحاف
............ واِتّـوَسَّـد راحتــــــي و اسقيك تــــــوت
كنت أغنّي وبلّل اللحن ارتجاف
............ صوتٍ استسقى عذابي منْه صوت
طفلتك ماكان يرْهِبْها الجفَاف
............ لا ولا كانت عن احساسك تفوت
طفلتك ماكان يغْرِيها الهُتَاف
............ ما لغيرك : تسكب الشعر فْ بيوت
وينك إنت؟ / وكلّ ما عَقَّبت قاف
............ يعزف إحساسي لأجلك نوت ، نوت
و النواظر تحتضر والريق جاف
............ يوم كانت شوفتك للقلب " قُوت "
من بعد غيْبَتْك : هذا إعتراف
............ " النّوى جَرْحٍ تداوى بالسكوت " ..!
............ " النّوى جَرْحٍ تداوى بالسكوت " ..!
للندى / ندى الجبر 💘
