عرس الألم والأه والدعوه عامه؟
عرس الألم والأه والدعوه عامه؟
لاتسألوني عن تفاصيل الأيام
نظره عيوني تختصر كل أثرها
أنا أسير الحزن من عده أعوام
ومن وقتي شافت نفسي اللي قهرها
الهم وراي والشقا دوم قدام
فعرس الألم والأه حظي مهرها
الظلم نار اشوفها تزيد اضرام
ولو الكبد حديد يمديه صهرها
عمري أنطفا وسنيني صارت عتام
ولو حصل ضو عيوني جهرها
كني صحاري اجدبت ترجي غمام
جفت فعز الصيف وماجا مطرها
كلن رقا حظه وأنا حظي ماقام
ثواني الوقت عندي سوا مع شهرها
أنا الذي من ربعه انهان وانضام
وبموت الوفا بسماته ماتت قبرها
الصمت وردني لحكم سيف الأعدام
ضيعت انا الجمله بمبتداها وخبرها
لوني حذق فاهم ماأندست باقدام
مير ان حسن الظن حياتي دمرها
ولوتسألوني عن تفاصيل الأيام
مأحتاج اشرحها..ملامحي ت خ ت ص ر ها
