انا ميت من سنين
تواري يابعــــد روحــي .. تواري لايهــــــمّـك شي
مادام انك تبين البعـْـــد حاضـــر.. ابشري.. سمّي
تناسـيني تحـــت شـــمس ٍ بصـحــرا مابها لي في
وخوني واغدري.. كوني بصف اعداي وانضمّي
وخلـّيني ورى اسـنينك وإطـوي ذكـــــــرياتي طي
واذا جا لسيرتي طاري فـ سبي.. واشتمي.. ذمّي
ونومي وانعمي بنومك!! واذا زارك بنــــومك أي
حــــــــلم ٍ جابني يمّـك إعتدلي.. وادعي.. وسمّي
انا ميّت من سنين ٍ ولو شـــــــــفتيني عندك حي
تساوت عندي الدنيا.. وحلّ المــــــــوت في دمّي
تساوت فرحتي وحزني.. تساوت عتمتي والضي
تساووا عزوتي واعداي.. وســاوى يابسي يمّي
تواري جعل غيري يسعدك دعـــــوة اخي إلـ خي
تراها دعوة ٍ جــت لك من قلـــيبي قــبل فـــــمّي
ابقضــي العمـْـر في حــبك.. ولا ابغى لحبك شي
وابكـــرهْ كــل من يكــرهــْـك قـــول ٍ قلته وتـمّي
