بكرى بـ افرش لك حنين الحي من صدري |..تجين !؟
-
ماعرفت إني احبك ...لين غبت
......... صرت احس إني على نفسي غريب !
التجاعيد بـ يدين الأرض .. نبت
........ والضحى في مفرق الايام .... شيب
الدقايق.. لا غفا الوقت |.. كذبت
........ والنجوم تجامل الصبح .... .. وتغيب
لو عرفت إني احبك ..ماشربت :
......... من شفاه الثانية .... .شح النصيب !
لو لمحت اقدار ....حبيلك ..هربت
......... عن بلاد ٍ يحسبون الحب .... عيب
كنت متخبّي ورى صوتك |..وذبت
....... من دفى صمت المسافات .. الرحيب
شفت لو غيّبت "احبك"|.. ماتعبت
........ التعب هو : بعد ما احبك |.. تغيب !
هذي انتي !.. من لمحت العُمر ..تنده له سنينه :
......... رحت بشرّت الشذى .. والورد..والعطر الحزين
والندى اللي نام حول الغصن ...واتوسّد يدينه
......... والمدى اللي ياخذ انفاسك ...لـ حضن الياسمين
والصبا ..في كل مرّة ..يكبر النرجس بـ عينه
........... والصباح ..اللي تعثّر.. في سهاد الحالمين
حيّنا .. والشارع الخلفي ..وضيّان المدينة
............. والدرايش ..والزوايا ..لطخت صدري حنين
للسهر ..طفل ٍ وكنتي ..تعشقينه..| تتركينه :
............ كل ليلة يفرش بساط الظنون ... ولا تجين !
تشبهين الطُهر ..في صُبح القرايا .. والسكينة
............. تشبهين التيه فـ وجيه ..وجهات.. الراحلين
من رحلتي ..ماتركتي لـ المسا ضي بـ يمينه
............كنك اللي تاخذين الشمس... وانتي ترحلين !
البحر... ماعاد يغري نظرته ..عطر السفينة
.............والجفا لو فاح.. طاح الوقت من غصن السنين
الشوارع لـ السما .. تسولف عن اسرار المدينة
............. والدفا ....قام يتبرّا... من كلام العاشقين
كل بيت ٍ تمتم اللهفة .. ولا صدّقْه "طينه"
............. كل ياس ٍ يردم اللحظة .. ويغتاب الحنين
كل ركن ٍ يلبس الذكرى ...توطته الغبينة
............. والشعر من وين مايممّت اقلامي ... حزين
جيتي اليوم .. وفرشتي صدري الحي.. بـ حنينه
............بكرى بـ افرش لك حنين الحي من صدري |..تجين !؟
هنِا نفس الحزن وهناك نفس الكرسي المهجور !
هذاك الريح ازجانا حنين وصب مالحنا
طلبنا شاي عريّنا الكلام وذاب فينا زور
سكتنا والسكوت العذب يشرب من ملامحنا
تسترنا ب سوالفنا أو انّه سولف المستور !
تحيّرنا وغطينا الدقايق قبل تفضحنا
تلعثمنا ب صباح مر بين الغصن والعصفور
نخاف يفتّش أوراق العنب صدفة ويلمحنا !
ولو ندري بأن الحب صحرا والمسافة سور
دفنّا كل لحظة انتظار ولا تصارحنا !
حبيبي في صخب هذا البلد فيني بلد مهجور
من أول يوم اخترنا متى احترنا ولا ارتحنا !
تغربنّا انا وهذا الحزين الكادح المكسور
ندور إندوّر ب ضيق المحاني ما يفرّحنا
تعبنا نسقي الدمع الأماني والأماني بور
متى تثمر عناقيد الثواني شوق يصدحنا ؟!
وإذا اخضر الغصن في غفلة الفرقا لقا وطيور
أحس أني كأني صرت غيري لا تصارحنا
هنا خلا بقايا شرهتين وخاطر مكسور
ياليت أنّا تشرّبنا ملامحنا ولا بحنا
ل || جمال الشمّ ــريْ
