انا ودي اسمعك القصيد اللي كتبـتــهـ فيـــــك
واقول اني رسمتك حلم وابي تتحقق احلامـــــك
رسمتك للأمل صورة قتلها اليــاس في ماضيـــك
أبي قربي ينسيـك الهمـــوم ويسعــد ايــامـــك
ابكتب حزنك بدمعي وعينــي بالحــــزن تبكيــــك
والون دنيتك فــرحــة وابيك تودع الامــــك
أبحرق حزنك بشمـعــة غلاي ان قلت لك اغليــك
وابي لاقلت انــا احبك اتوه بنشــوة هيـــامــك
كتبت الحرف لعيونك وش اللــي تـطلـبـه بعطيــك
وغنــيــت اجمل الحاني وكــنـي جــــد قــدامــك
ابـعـطـيــك العـمـر صفحــة اذا كان العمر يوفيك
ودمــي يــابـعــد كــلــي فدالـك حبـر لاقـلامــك
أبــزرع بالــوفــا وردهـ تزين دارك وواديـــك
وابــرويــهــا من عــروق الـوفـا مادامــهـ وسامك
تــعــال واسمـع كل القـصــيــد اللي كتبته فيـــك
تعال دامــنــي بــرسـم بحـرفـي أجـمـل احلامك
