انت عارفه كل شئ

يا حبيبتى.. وحب حبى..
عارفه اكتر شئ ضايقنى
لما شفت الخوف ف عينك.. من جبان
لما شفت الدمع سايل فوق خدودك.. م الهوان
لما شفت الحزن نايم بين جفونك.. وف أمان..
لما شفت البرد حاضنك..
وانت بين الحر تايهه.. ناسية نفسك..
كل دا خلانى أكره ...حتى سيرتك..
وانت عارفه....سر كرهك.....!!
*****
عارفه ليه..؟؟
لما شلتى بين ضلوعك .. قلب كارهك
وال حبك ..
وال ضحى بعمره كله .. لجل خاطرك..
تدبحيه..
واما يصرخ من قساوتك ..
تحرقيه..
لما فيك الحُر يصبح فى السجون
و ال سجنه ..الذليل
يبقى سوطه..
يبقى ظالمه بدون دليل
يبقى عتمة ضلمة فى الليل الطويل..
هو دا كان رد قلبك؟؟
هو دا رد الجميل..؟؟
هو مش مستنى منك اى رد..
ال حبك ... حب نفسه حب جد..
وال كارهك ... كُرهه باين ..مالو حد ..
انت بالنسباله فرصة..
إنت ند..
*****
لما فيك الحلم يصبح للصغار..
والجهالة ..
والوضاعة..
والندالة .. للكبار
لما شفت الدين.. شعار...
رمز للارهاب وفتنة ... وانكسار
لما شفت الفقر بين الناس... مسار
والتخلف.. ازدهار..
*****
سر كرهك .. هو ضعفك..
أصل ضعفك .. سر سرك..
بصى فوق...
تلقى نفسك تحت رجلك..
علّى صوتك..
اصل صوتك مش بيوصل غير لودنك..
حسى مرة...
خلّى روح الحس تسرى .. جوا جسمك
هو مات القلب فيك .. حتى نبضك ..؟؟
*****
فاردة حضنك للجميع..
المنافق والمسالم والمخادع .. والوديع
فاتحة بابك للوضيع ..
عارضه نفسك كالبضاعة ..
والخسارة .. ان سوقك ... بس بيع..
*****
خايفة ليه ... مش كفاية ماتخافيش...
مش كفاية الرعب ياخدك .. ماتناميش
أو بدال الدمع دم ما ينتهيش
او بدال الحزن هم ما يتمحيش..
او بدال البرد جمر ما ينطفيش
مش كفاية ال انت فيه...
عارفه ليه......؟؟
*****
مش هقول لك ..ما انتى عارفه كل حاجة..
انت شاهدة بكل شئ ..
انت شايفة بس ساكته ..
شايفة نار الغدر فيك .. بس هاديه
شايفك إيد إبليس بيلعب جوا قلبك.. عامله ناسيه
شايفة جهلك..شيفة جبنك..
بس نايمه
شايفة فقر بيملى بطنك
شايفة ظلم بيملى أرضك..
بس راضية ...
*****
أيه هقولك ..
شايفة دم وجرح نازف ...جوا نفسك
شايفة غدر وشايفة قهر وشايفك قبرك ..
بس كاتمة وحابسة سرك..
يبقى بس الخوف لوحدة مش كفاية
يبقى بس الحزن وحدة .. مش نهاية
يبقى بس الجهل راسم نفسه فيك
دى بداية ..
وال جاى ... وبكرة أكبر من حكاية ..
وانت راضية بكل حاجة
راضية ان الذل يحكم .. للنهاية
راضية ان الشر فيك .. يبقى حلم..
ويبقى علم .. ويبقى غاية..
*****
يبقى ليه اعتب عليك ِ
يبقى تصعب ليه دموعك .. بين عنيكِ
بعد قلبى .. وكل عمرى .. وكل حبى..
هان عليكِ
ليه أقولك عل بيك..
بس أقولك.. الف الف عيب عليكى
*****
جمال نصير
سبتمبر 2014

يا الله يا الله يا أخي الغالي وحبيب روحي / جمال نصير
يا الله يا الله
كل العتاب ده لأجمل حسناء بالدنيا ؟! مصر الغالية !! مصر الأم !! مصر النبض الحي والروح الجميلة والوجه الأكثر إشراقا منذ ما قبل فجر التاريخ والحضارات !! كل العتاب ده إلى أجمل بلد وأروع شعب ؟!!
تصدق بالله ؟؟ أنا تركت الست الوالدة تقرأ النص واستغربت حاجة .. تغير وجهها .. عم الحزن تعابير ملامح وجهها وأنا أعرف أمي وأعرف جدا جدا كم تحب مصر وأهل مصر فدعت من قلبها : رب يجبر بخاطرك يا مصر يا غالية !!
نصك رغم نزيفه الشديد والحاد جدا إلا أنه عبر وبصرخة عميقة عن أدق الأحاسيس الصادقة وبوطنية حقيقية لا جدال فيها
أنحني بكل حروفي وروحي أمام روعة نصك
تبارك حرفك أخي الغالي الشاعر الجميل / جــمـال نصــيـر
دمت ودامت مصر بألف خير وسلام

هلا فيك جمال ..
نص جميل وعوده اجمل ومتخفش على مصر ياجمال الكبير حيفظل كبير
الف شكر لك ولعودتك ومانثره قلمك واحساسك .. كل الود لك مني

استاذى ,,وشاعرنا
جمال نصير
اختلاف الراى لايفسد للود قضية
تركتك ورجعت
وجدتك كما انت ربعاوى
ههههههههه
*************
ماأروع قلمك
دائما يبهرنى ويلجم حروفى
لذا سالتزم الصمت
فالصمت فى حرم الجمال
جمااااااااااااااااااااااااااال

اقتباس:

---

المشاركة الأصلية كتبت بواسطة ســـعـيد مصــبـح الغــافــري

يا الله يا الله يا أخي الغالي وحبيب روحي / جمال نصير
يا الله يا الله
كل العتاب ده لأجمل حسناء بالدنيا ؟! مصر الغالية !! مصر الأم !! مصر النبض الحي والروح الجميلة والوجه الأكثر إشراقا منذ ما قبل فجر التاريخ والحضارات !! كل العتاب ده إلى أجمل بلد وأروع شعب ؟!!
تصدق بالله ؟؟ أنا تركت الست الوالدة تقرأ النص واستغربت حاجة .. تغير وجهها .. عم الحزن تعابير ملامح وجهها وأنا أعرف أمي وأعرف جدا جدا كم تحب مصر وأهل مصر فدعت من قلبها : رب يجبر بخاطرك يا مصر يا غالية !!
نصك رغم نزيفه الشديد والحاد جدا إلا أنه عبر وبصرخة عميقة عن أدق الأحاسيس الصادقة وبوطنية حقيقية لا جدال فيها
أنحني بكل حروفي وروحي أمام روعة نصك
تبارك حرفك أخي الغالي الشاعر الجميل / جــمـال نصــيـر
دمت ودامت مصر بألف خير وسلام

---

الغالى فى القلب (حبيبى عصفور) وحشتنى .. والله بجد وحشتنى .. معلش اخدتنى منك الايام والمشاكل ولكنك فى القلب .. شكرا يليق بك وبالاسرة الكريمة .. وشكرى الخاص للفاضلة الكريمة والدتكم على مشاعرها الطيبة نحو بلدنا جميعا مصر.. وهذا طبع الحرائر والشريفات فى كل مكان .. الوطن العربى لديهن واحد .. والدين لديهن واحد بلا حواجز ولا حدود ... شكرا لكم ولمروركم الطيب على الكلمات البسيطة..

اقتباس:

---

المشاركة الأصلية كتبت بواسطة رايق البال

هلا فيك جمال ..
نص جميل وعوده اجمل ومتخفش على مصر ياجمال الكبير حيفظل كبير
الف شكر لك ولعودتك ومانثره قلمك واحساسك .. كل الود لك مني

---

الحبيب رايق البال .. وحشانى يا هلا فيك بتاعتك دى من زمان ما قرأتهاش .. الاجمل مروركم الطيب .. وكل عام وانتم بخير

اقتباس:

---

المشاركة الأصلية كتبت بواسطة مصرية وافتخر

استاذى ,,وشاعرنا
جمال نصير
اختلاف الراى لايفسد للود قضية
تركتك ورجعت
وجدتك كما انت ربعاوى
ههههههههه
*************
ماأروع قلمك
دائما يبهرنى ويلجم حروفى
لذا سالتزم الصمت
فالصمت فى حرم الجمال
جمااااااااااااااااااااااااااال

---

ياه انت لسه عايشة .. بحسبك ... بس الحمد لله عمر ال..... بقى.
فينك وفين اراضيك ؟ وفين اشعارك وحكاويك
وفين ال جرى لمصر وليك
انت بعد دا كله لسه سيساوية ..
الله يسامحك
مش عارف متى هتتوبى وربنا يهديك...
عموما ... هندعيلك ربنا ... يشفيك..

دارة الارض بي وحدي ثلاثين دورة.
العرب مادرو عني وانا الف وادور.
يوم شفت حروف جمال فاحت سطورة.
كن صندوق عطر بالسوق مكسور.

المبدع جمااال نصير
رغم الشجن والأسى والعتاااب القاسي
إلا أنها لازالت بتحب لازالت بتضف مستغنتشي
ومتخلتشي عن أحد
حتبقى ليكم للأبد

كل الشكر لفكر ولقلمك ولبوحك أستاذي

وفقت دااائما

كلمات راقت لي .. يعطيك العافية

اقتباس:

---

المشاركة الأصلية كتبت بواسطة ن الشكيلي

دارة الارض بي وحدي ثلاثين دورة.
العرب مادرو عني وانا الف وادور.
يوم شفت حروف جمال فاحت سطورة.
كن صندوق عطر بالسوق مكسور.

---

ن الشكيلى ... الشاعر العذب الرقراق.. كما النهر السارح فى اعماق الجمال ... كلماتك جملت المكان بالكرم والبهاء العمانى الاصيل.. شكرى وتقديرى لشخصكم الحبيب

اقتباس:

---

المشاركة الأصلية كتبت بواسطة بيبرس العماني

المبدع جمااال نصير
رغم الشجن والأسى والعتاااب القاسي
إلا أنها لازالت بتحب لازالت بتضف مستغنتشي
ومتخلتشي عن أحد
حتبقى ليكم للأبد

كل الشكر لفكر ولقلمك ولبوحك أستاذي

وفقت دااائما

---

الاخ الغالى عندى بيبرس... يا هلا بالغاليين .. بس يا صديقى هى استغنت واستغنت عن اجمل وافضل واطهر من فيها .. حرقت الاطهاروسجنت الاحراروحرمت النساء والاطفال .. هذه هى مصر ...

اقتباس:

---

المشاركة الأصلية كتبت بواسطة الشيخه الفلانيه

كلمات راقت لي .. يعطيك العافية

---

شكرا يا شيخه (الفلانية) مروركم تشريف وتكريم... شكرا تليق

ابدااع بمعنى الكلمه
اقولها حقا وصدقا اجدت وابدعت
استاذ جمال نصير
اسعدني المرور بين بساتين حروفك العذبه
دمت بود

اقتباس:

---

المشاركة الأصلية كتبت بواسطة جمال نصير

ياه انت لسه عايشة .. بحسبك ... بس الحمد لله عمر ال..... بقى.
فينك وفين اراضيك ؟ وفين اشعارك وحكاويك
وفين ال جرى لمصر وليك
انت بعد دا كله لسه سيساوية ..
الله يسامحك
مش عارف متى هتتوبى وربنا يهديك...
عموما ... هندعيلك ربنا ... يشفيك..

---

هلا شاعرنا
اكيد أنا كم انا لن اتغير
وان الزمان تغير
فأنا مرادف اسمى الوفاء
أحب الكل دون عناء
وادعو رب السماء
لمصرنا الغالية

اقتباس:

---

المشاركة الأصلية كتبت بواسطة حلم يرتجي التحقق

ابدااع بمعنى الكلمه
اقولها حقا وصدقا اجدت وابدعت
استاذ جمال نصير
اسعدني المرور بين بساتين حروفك العذبه
دمت بود

---

ياحلم .. انا من سعدت بمرورك... شكرا لزوقك ورقيك

اقتباس:

---

المشاركة الأصلية كتبت بواسطة مصرية وافتخر

هلا شاعرنا
اكيد أنا كم انا لن اتغير
وان الزمان تغير
فأنا مرادف اسمى الوفاء
أحب الكل دون عناء
وادعو رب السماء
لمصرنا الغالية

---

يا بنتى انا خايف عليكى .. انت حمل النار وعذابها؟ الناس دى ركنت للقتل والحرق فى حق ناس ابرياء لا يملكون الا المصاحف... ولا تصدقى الاعلام الكاذب الذى خدع المصريين جميعا وزرع فى عقولكم انهم شياطين ... عموما انت حرة .. انت هتتحاسبى لوحدك امام الله