هل عندكم هالنوع من الجروبات؟
ابدأ بنفسك دائماً
.
.
لو تلاحظوا معظم ردودي او المواضيع اللي اكتبها أشياء مريت فيها شخصياً سواء صادفتني او مواقف غيرتني و غيرت تفكيري..
.
.
كل سنة أحاول أغير شئ من شخصيتي (للأفضل طبعا) ..
كنت كثير أنصح أخواني و صديقاتي بحاجات بس انا شخصياً ما كنت أطبقها رغم اني اعرف انها صحيحه أو هي الحلول الصائبة لموقف ما.
.
.
بس لما فكرت في الموضوع بيني و بين نفسي سألت "يا حنان شو اللي ما عاجبنك في نفسك"
فيه شي كان كثير مضايقني اللي هو "الحش" لما نتكلم عن الناس من وراهم..
.
قلت خليني اغير هالعادة فيني .. بأمانه ما توقعت ان صعب لهادرجة ان نتوقف نتكلم عن الناس!
طبعا البعض في ردوده بيحسسني انهم "ملاك" و ما يتكلموا .. بس بينك و بين نفسك انت الأدرى وقبل لا ترد اقرأ للنهاية..
شوف تلفونك ..كم جروب فيه؟
فيه جروب يضم 15 شخص و لكن جروب ثاني فيه 10 أشخاص،، هم نفس الأشخاص اللي فالجروب الأول ولكن 5 أشخاص ما ندانيهم او مانقدر نتكلم براحتنا عندهم.. :)
اتوقع الكثير عنده هالنوع من الجروبات..
وانا كنت موجودة في جروب و لاحظت انهم يتكلموا عن كثير ناس .. تضايقت كثير و قررت اني اتكلم
ف مره رسلت مسج ان الغيبه و عن النميمه
و مره رسلت صوره فيها كلام ان لو على كل مره نتكلم عن حد تنقص فلوسنا كان ولا شخص تكلم عن الثاني
و مازال الوضع مستمر
اخر شي قلت " يا جماعه ,, اذا عندكم كلام عن حد معين ياريت تروحوا عنده و تخبروه،، و خلونا نتفق اننا ما نقول شي من ورا شخص إلا اذا انت متأكد انك ممكن تقول هالشي قدامه"
طبعا الجروب صار هدوء .. ولا شخص علق على كلامي ..
بس محد صار يتكلم عن حد..
ماعرف اذا كلامي أثر فيهم او هم فتحوا جروب آخر و انا مافيه ههه :)
المهم ان قراري في اني امسك نفسي عن التحدث عن الاخرين ما زال مستمر و الحمدلله فيه تحسن كبير
قبل لا تعلق تذكر.. انا أذكر هالمواقف و كلي أمل ان شخص واحد على الأقل يتغير لللأفضل أو يتعلم من هالشي أو حتى أفتح عيون الناس على أشياء ما كانوا منتبهين لها ..
و الله يهديني و يهديكم جميعا..
بأمانه .. هل عندكم هالنوع من الجروبات؟
