حطيت لك بيت ومكانه وسط قلبي يالحبيب
مكانةٍ مافيه غيرك ياحبيبي نالها
بدري على غيرك يحصلها ولو إنه قريب
حتى ولو هو من عيال العم مايرقالها
حبيبتي لا تحسبين إن الهوى حظ ونصيب
بالعكس لو الناس ماهمتك ماتسعالها
باب الأمل مفتوح مابين المنادي والمجيب
وأهل المحبه تعشق الدنيا على منوالها
قسوتك ضدي سببت للقلب جرحٍ مايطيب
أرجوك غير نظرة القسوه وهات إبدالها
ليه؟التعامل منك لي بالذات! بالشكل المريب
بالله لو عاملك غيري هكذا ترضالها
برر مواقيفك وناقشني خطاء وألا مصيب
اللي يحبك ماتهون الكلمه اللي قالها
يالله ياللي كل مايدعوك عبدك تستجيب
هون على النفس الشقيه قبل يبري حالها
صابر على نار الجفاء والصد والحال الصعيب
والقلب متحمل هموم إثقال محدٍ شالها
اخاف راسي من عنا الدنيا وقسوتها يشيب
وأهل الغرام إتعيش في حالة عنا يرثالها
حبيبتي لو تفهميني قبل شمسي ماتغيب
شجرة محبتنا العظيمه لا يروح إظلالها
أخر حديثي ما بقي غيرك بذا الدنيا حبيب
مكانتك وأقسم برب البيت محدٍ نالها
