صباح الاحساس
الحب ماهو دق رقمي وانا اجيك
ولا رسايل شعر من قول شعار
والا اتصال تالي الليل يلفيك
تقعد عليه اتجيب لي حد الاسحار
الحب ياولد الحسب شي يعليك
حرام اقوله عاش من بيننا وصار
الحب شي داخل القلب يرميك
في تهلكت عاشقك لو كان جوار
الحب حس تالي الليل يطريك
يسهر عيونك عاشق حيل محتار
الحب هو صوره جميله تخليك
تعشق عدو لك يجرك على النار
الحب هو قمة مشاعر تحليك
هو تضحية نفس بحلاها بالامرار
امانتك لاتقول انا احب وارجيك
وابغي وصالك يابعد كل من سار
لان الحكي مافاد ثعلب على ديك
ولافاد قطو راح عمره وراى الفار
ياكثر ماقلت حكي لك يبريك
كله لجل تطري بحلوات الاخبار
ياخي انا مليت من كثر مرجيك
اتصير وافي في زمان لنا دار
تعشق وتعطي بالهوى قلب مغليك
روحك ولو هو طالب كل الاعمار
لكن حسافه ما انفعت قولة ارجيك
ومافادة اشعاري وهي تنزف احبار
ياخوي كافي تبت من حب يبغيك
واقطع مكالمتك ترى الدم بي فار
ضيعت عمري جعل ربي يسريك
بظلمه ليال الهم ضايع بالافكار
استغفر الله ماتعودت ادعيك
بالشين ياصاحب بعد حلو الاذكار
واسف عسى ربي يصونك وينجيك
من سود ايامك ومن مر الاقدار
خلاص كافي ولاتجيني ولا جيك
واقصر اخطاك وخلني اليوم تذكار
