احبك كثر ماطاحت من احضان النظر أيتام
يسعد مساكم / صباحكم
هلا بالجميع ..
لقاء آخر متجدد يجمعنا احبتي واتمنى ماراق لي يروق لكم ..
يسيل الليل من عين الشفق .. وابدا قبل لا أنام
أرتّب دفتري ، وارشف مكاني ، وافرش عيوني .
. واجمّع حزني وباقي قصيد ٍ له ثلاث أوهام
مغربني ،.... واخمّن لهفة احبابٍ يمروني .
. تمشيت السهر لين السهر ماشالته اقدام
وزمّيت الاماني شهقتين ..وملّت متوني .
حبيبي..ليه مامر القدر صوتك ..وصبري قام :
يقيدني عطش ..لين السواقي..تفجر جنوني .
. لك الله.. ضاقت ثياب القصايد ..وامتليت الهام
ولا ادري كيف الوّح لليباس .. واكسر غصوني ؟! .
احبك كثر ماطاحت من احضان النظر أيتام
واحبك كلما اشعلت حب .. وساحت جفوني .
احبك والصدر كوخ السوالف والجروح قدام
احبك كثر مادوزنت عشق .. وغنت طعوني .
. انا المحتار كيف ارتاح في صمتك..وانا المنضام
وانا ماضلّبي دفتر حزين ٍ .. ماخذا لوني .
. أبد ..ماطاح من عين المسا قاسي..وقبل اعوام :
اشوفك تلبس الخطوة جفا .... بس طاحت عيوني ! .
. كذا رتبت حزني ..وانكساري.. وانحنيت ايام
ارش ارض الحبايب لا تمشوني .....ولا جوني ! .
طابت لياليكم ..
اخوكم / رايق البال
