(قلبي حزين)
عيش عمرك يا حبيبي
وخلني أعيش عمري
حبنا مسدود بابه
أنا أدري وأنته تدري
السبب ما عاد يفرق
مني أو منك السبب
لا ملام يفيد فينا
يا حبيبي ولا عتب
الحلم ويا الأماني
ضاع منا وأرتحل
في دقايق في ثواني
اللي عشناها بزعل
في بحر مابه مواني
أفراقنا اللي حصل
روح في حالك حبيبي
وخلني أبقى لحالي
خلنا ننسى المحبه
وننسى أحلام الليالي
شوف كم مره قسينا
وفي محبتنا نعاني
حتى لو قلنا رضينا
للزعل نعود تاني
الحزن فينا من أول
من يوم حنا ألتقينا
يليت الأول تحول
ما كان عشنا وبكينا
حتى المواني حزينه
تبكي بحور السنين
مضنون فارق ضنينه
يا ناس قلبي حزين
كل شي تغير حبيبي
ما عاد بالحب لنا باب
ما عدت حظي ونصيبي
بعد الوفاء صرنا أغراب
أحس كل شي غدا غير
حتى السماء ما بها طير
والكون مظلم وعاتم
يالله عسى فراقنا خير
قصيدة:
سلطان البلوشي
(ساهر الليل)
