حيرتني واحترت .. وشـي نوايـاك
كل مانسيتك جيت تعلـن ( خضوعـك ) ..
مره تجيني قاطع ( حـدود ) دنيـاك
تسبق معاذير (البطاء) لـي دموعـك*..
في لهفة ٍ منها الوله جـاوز إخطـاك
وكن ( الغلا ) مستل سيفـه يلوعـك*..
ومره .. احس ان ( الغلا ) من بقاياك
ما ضمته بين الحنايـا .. ضلوعـك*..
صار الغيـاب اليـوم ابـرز مزايـاك
و اول غيابك ما يكمّل .. سبوعـك !!*..
قلي امانه .. ريّح البـال وش جـاك
لا تنطفي بالحب .. آخـر شموعـك*..
عطني عهودك بالوفاء هـات يمنـاك
واللي بغيتـه ( بالمعاليـق ) طوعـك*..
رهنت شوقي .. بايع الناس لرضـاك
وانهد حيلي .. من غرايب طبوعـك*..
ابيك تبقـى داخـل العيـن ترعـاك
لو( طحت ) يصعب فالمحبه طلوعـك*..
مليت صبري اشتكي منك .. وانهـاك
يالله عسى ما صابني .. ما يروعـك*..
هذي حروفي ( نزفها) مـن سوايـاك
ترجمتها باحساس .. ياصل سموعـك*..
اخاف يـوم ٍ مايجـي فيـه طريـاك
وإن جيت ترجع ما يسّرك .. رجوعك..
