طاح الورق ..أنا شجر عاري
....................ليت السهـــــــر ينبت بعيني نور
كثر الذنوب أحتاج لأعذاري
....................حاجة نبي يخرج من الطبشور
فكيت لاجل الموت أزراري
............... وأخرجت روحي وخاطري مكسور
وبطلّت اقول الشعر : يا جاري
.................. جيته بكيفي وببتعد مجبور
عشرة أصابع عمر مشواري
................... ما كنت أفكر وش يبي الجمهور ؟!!
عشرة أصابع عمر مشواري
..........................لا أمسية ..لا ضوء ..لا جمهور
كسّرت لوح الشعر يا أحباري
............وكبّلت في –روح القفص-عصفور
مابه وطن محتاج لأفكاااري
..................مابه جماد- يجسدك-يا شعوور
ما به غريب إلاااااي في داري
................ما به فقيد ، بداخلي.. مقبوور
نفس الرصيف/الشارع / جداري
.................نفس الأسامي/ الوجوه /السور!
عشرة سنين أخباري/أشعاري
................مستور يا جرح إنفضح.. مستور!
أطفيت يا سيل الندم ناري
......................واشعلت يا ريح الغياب حضور
ليت القصائد تاخذ بثاري
......................مهدور يا دم الوطن : مهدور !
طاح المطر ..آنا نهر جاري
.....................-أعمى بصيره في بلاد النور !!
