تلمح تباشير المطر لالمحته
حيـل الله اقـوى يالجفـون المفاتيـر
.........رمشك.. عن التجريح يااامـا نصحتـه
والبارحـه.. عيّـا يطيــع المحاذيـر
.........حتـى جرحتـك بالدمــــوع وجـرحتـه
قد قلت لك : ما كـل دمـع ٍمخاسيـر
.........ولا كـل دمـع ٍتربـحـه لامسحـتـه
بعض العيون إليا بكت.. دمعها غيييـر
.........تلمـح تباشـيـر المـطـر لالمحـتـه
الله يحبـك.. كـن دمعــك تباشـيـر
.........ياللي بدمعـك كـل حزنـك فرحتـه
تبكي واقول : الله يبشـرك بالخيـر !!
.........كنّـك تبشرنـي بـذنـب ٍدمحـتـه
ما كـن عنـد البحـر للملـح تبريـر
.........إلاّ انّك أنـت اللـي بدمعـك ملحتـه
ياللي بـ زينك تطرح مْن السما طير !
.........ماقول : كم طير ٍبزينـك طرحتـه ؟
أقول : ذيييك.. الناعسات المساهيـر..
.........أحييـت فيهـا الليـــل والاّ ذبحتـه ؟!
ياوين أبلقى مـن شعَـرْك المعاذيـر!!
.........لو بمدح عيونـك وهـو مـا مدحتـه !
رغم إنّـك اتعبتـه بكثـر المشاويـر
.........لااقبل على وجهـك بكفـك نطحتـه..
طاير.. وهو باقي لـه شـوي ويطيـر
.........مدري متى.. لكن متى مـا نفحتـه..
شع السما.. كـن السحـاب المزابيـر
.........صُـوّان ليـل ٍبالجـدايــــل قدحـتـه
لامن تكاشف - كنّه فـلاش تصويـر
.........برق السحـاب.. اللي بشعْـرك لفحتـه
حتى أنت لو ماكنت تدري وش ايصير
.........قلت : السحاب يصوّر الأرض تحته !!!
