أعانق هـ السماء لو نمت ليلي وَ : النسيم أصحاب !
-
أنت فاهم ..؟
هز راسك .. وانتبه
لايسقط التاريخ
بجنون المراسم ..!
أنت فاهم !!
للمدى صحيّ عروقك
واحفظ الوقت بحقوقك ..
ولاتزيد الطين طينه ..
ضاع ترتيب المواسم !!
أنت فاهم !!
يابعد كل الحكايا
روح قلّب بالزوايا ..
تعرف تفك الطلاسم !!
أنت فاهم !!
أنت ذاك المحتفي ..
بالنور والظلما
ولالقيت الما ..
تغيب تحضر تختفي ..
وتصيح ياسلمى ..
كل الجفاف الما !!
كل الجفاف الما !!
أنت فاهم !!
ارسم ورتل ..وابتعد
واقرب شوي ..
وضمها .. لاترتعد ..
سلمى بحاجة للمطر
تاريخها كله زفر
ألوان واصناف وعبر
راحت بعيد..وبالمدى
عاث الصدى ...
أيوووووووه كم باقي كدر !!
أنت فاهم !!
كم معك زفرة ألم
مالك مجال بهالصياح..
ماباقي إلا زفرتين
وحده لسلمى تحترق
ووحده على باب الرياح ..
أنت فاهم !!
لاتغرد بالأسامي
الألف طاحت بلامي
آآآآآه يالام وألف ..
لامتى هذا التلف !!
أنت فاهم !!
آآه ياكثر المواني ..
في كفوف الساحل ..
اقرا صوت سالم
كان سالم ..كان حالم ..
كان يعشق صقر حرّ
ومات بيده .. في حديده
مارقا ماعاش سالم !!
أنت فاهم !!
أكيد ... ياذاك البعيد ..
تقرا العزا برفوف عيد ..
أعيد ولا ما أعيد ..
أنت فاهم ...!!
العزا
..ماله مراسم !!
غير
.. تكذيب المراسم !!
أنت فااااااااااهم ..؟؟
.
.
عبدالله زنان
و في / عينِك صَبا و ؛ يسولف الكسر بـ: غصن ممقوت
يضيع : الدرب / ما ؛ نِلقى : من / عيون : الشفاعة / باب
ي: قلبي لو / هجرتك ليلة أمْس / و : تهت ب: أرضي صوت
أنادي / في : بقايا / غصن ؛ طاحت / بـ: / الوداع / غياب
أدوّر : توته / الباقي / و : لا / عشت / بـ: فتاتة / توت
أعانق هـ: السماء لو : نمت / ليلي : وَ : النسيم / أصحاب
أعيش / بـ:/ حلمي ؛ الغابر ؛ و : أتمتم : في / طريقي قوت
أخاف : أصبح على : جوعي / و يعطش لـ: الضما / أسراب
كذا حآلي / و عيشة : خآطر / الدرويش : شمس و: موت
إذا : همّ / الفقر : ريحه / و : طآشت : و بـضميري : غاب
يموت / ب: فجري / أفواج البشر / غمّ / و : شقى و: كبوت
يقولون /: الأسى / فرْحة :/ و : يبكون / الممات :/ عتاب
صَبا : قلبِك / كتبنِي / بـ: الألمَ / جرح / و: غدى ؛ منحوت
ك: أنه / ليل هـ: الطايف / اذا / عاش بـ: ضياه / حجاب
بـ: يحكي لِك / شتاءه ؛ و: أرصفة ناسك / صخب و بيوت
و يسهب لك ؛ روآيه / أو : حديث و : خآطره / ب: كتآب
ألملم : / دمعتي / بـ: شتات :/ دربي / و : الهموم : تفوت
و ب: ارثي / في حطآم اليآس / دربك / في : مطر / و : تراب
و أشوفه تهذي شفاهه / ملامح : و : الوجيه / سكوت
أنا يـ: اللي / مشيته / وهْم / مآ : قلته [ أنا و : أحباب
أنا : إيه ؛ و : يزمزم :/ حولي / الناس : بـ: صدْر / تآبوت
أعيشك يا : صَبا ؛ نسمة : و أموتك و : الوعي يرتاب
ب: نجلك : لو هجرت الـ: قلب / ليلة و بـ: شفاهي صوت
أخاف : بدونه أرجع / لو : دعيته ؟ ؛ في : عيونك غآب
الرائع / عبدالله المالكي
يطيح من السماء جلباب
وتلبس حارتي الظلمه
تموت الساحه يا جاري
وتقوم بيوت في الساحه
وهالجدراااان توصل لين حد الشمس
وتصبح صرختك لي همس
وتقطف أُذني الغربان !!
***
يا جاري
تضيق الحاره بالأسمنت
وياخذ ناسها الأسفلت
ورغم أضواء هالشارع
نتلاقا مثل أغراب في الشارع
بحارتنا العمى جلباب
***
بحارتنا يصير الباب يا جاري
مُجرد باب
***
صحيح ان الشوارع نور
ولكن
البيوت
قبور
صحيح ان المساجد روح
ولكن
المصلّي
لوح
بحارتنا الشباب ثياب
يا جاري
الأهل أحزاب
***
في حارتنا الفقر يلعب
مع الأطفال
ويسولف مع الشيّاب
ياكل من تمرنا المُرّ
ويرمي (فلحنا) لتراااب
ويحرجنا
مع
الأغراب
في حارتنا البيوت أبواب يا جاري
الفقر بوّاب
لـِ حمد الخروصي
