دخيل الغلا اللي راح واللي وقف مرتاب
بسميه عشق وأنت مدري وش تسميـه
ودخيل العيون اللي عليها الحلاا جـذاب
تشوف الولع فيهم ولا تدري وش تاليه
دخيل المكان اللي جمعنا ولا هو إعجاب
إذا لي معزه طـاري البعـد لاتطريـه
لو تشوف وضعي عند ماتلتقي الاهداب
لـك الله لـو لـك نيـة بالجفـا تلغـيـه
لـك الله لـو لـك نيـة بالجفـا تلغـيـه
لـك الله لـو لـك نيـة بالجفـا تلغـيـه
أنا وأنت غايب كن وسط العيوون ترااب
تنام الخلايق ولا أنا النووم مالي فيـه
ذبحني غلاك اللي سرى مثل سم الدااب
طفح بالعروق وكـل ماوافقـه ينهيـه
بقى قلبي اللي ماذبحته وأهو منصـااب
أنا ادري تبي تستوطنه يومـك تخليـه
أنا ادري تبي تستوطنه يومـك تخليـه
أنا ادري تبي تستوطنه يومـك تخليـه
سكنته وأهو عمره قفل بالوجيه البـااب
أنا أعرف قلبي لاعشق لارحـم واليـه
يجي كله من أقصاه ويحب بأستغـراب
وفا فيه ماهو مع بشرر ليتـك إداريـه
ترفق على قلب تلـوع بـك ولا تـاب
تعذب ولامنـه نـوى البعـد مايمديـه
تمكنت به حيث الولع مثل غرس الناب
مصيبتك تدري بس ليه المفـارق ليـه
مصيبتك تدري بس ليه المفـارق ليـه
مصيبتك تدري بس ليه المفـارق ليـه
ودخيل الجمال اللي تـلافت له الارقاب
وأنـا اللي لـفتني زينك وجـيتك مباريه
تمعنت فيك وجيت هـايب وانا ماهـاب
ولاقـفيت عـنك إلا وأنا هالغلا معطيه
عليك العيون اللي لهن فعل غزو عقاب
ضـعيفات خـلق بس ياويـل من تنويه
ولك نور وجه(ن)كن لك بالنجوم أنساب
ولـيل عـجز من طووله الكف لا يسرريه
ولك مبسم(ن) مـاكنه الا شـفق الغياب
حـمار(ن) من الله جمر من ولـعه ناسيه
عبث وأنت مقبل تستفز وتثير أعصـاب
تبي تـلفت الانـظار منـااااك لي منييـه
عبث وأنت مقفي تاخذ وتكسر الالبـاب
عـبث جـاهل توه مـشى فبيت من يغليه
دخيلك على بعضك ولاهي بدعوى عتاب
تعيد النظر فالبعـد مـن قبـل لاتبديـه
عليك الله أكبر وأنت حكمك شريعه غاب
تجيب الطعون وتجرح الخافق وتدميـه
وأنا أموت فيك وصال وأموت فيك غياب
وإهي موتة وحده مع فـارق التشبيـه
وإهي موتة وحده مع فـارق التشبيـه
وإهي موتة وحده مع فـارق التشبيـه
ومن قال مابه موت بالحب قل كـذاب
(جميل وبثينه) ماذبحهن مرض ياهيـه
(جميل وبثينه) ماذبحهن مرض ياهيـه
(جميل وبثينه) ماذبحهن مرض ياهيـه
أحبك ومن حبك خسرت أغلب الاصحاب
أذا عاتبونـي فيـك أعتابهـم مابيـه
أحبك ولا تسأل حبيبي عـن الاسبـاب
أنا لو أعرف أسباب حبك قدرت أنهيـه
أنا لو أعرف أسباب حبك قدرت أنهيـه
أنا لو أعرف أسباب حبك قدرت أنهيـه
ألا يامعرض رجـل مغليـك للمرقـاب
أثـر بـالـطوال تـفرج الـهم يـاراعـيه
أنا بسألك؟ هو صحيح الهـوى غـلاب
أنا بنصح اللي مثل شـرواي لايمشيـه
ومن لايحسب بالهوى للفراق أحسـاب
لك الله ماغنـى سلامـه يبـي يغنيـه
مثل هل دمعي وانت رايح وطرق حجاب
ومثل مارمى عبدالحليم الزهر يرميـه
وأذا فيه بكتاب النحو للفـراق إعـراب
فهو فعل مطلق والجفا ماضيـه
الا ليت ربي ماخلـق بالغـرام غيـاب
وإذا فيه فرقا طـاري الحـب لانطريـه
وإذا فيه فرقا طـاري الحـب لانطريـه
وإذا فيه فرقا طـاري الحـب لانطريـه
