عجزت أحكيلك إحساسي واترجم لهفتي بالبوح
عجزت إني أعيش بصمت إلى من طال يذبحني
حبيبي شفت هالدنيا بها ناس تجي وتروح
ماهز القلب واحتله ياكود إنسان يسكني
قسم باللي خلق ذاتي وخلى في الجسد هالروح
قسم باللي ليا من مت وصرت عظـام يجمعنـي
أحبك والغلا صادق وما هو لعب وسلا ومزوح
نزل دمعي نزف جرحي وذاك الشـوق عذبنـي
أحس الكون في عيني فنى وماعاد له مصلـوح
مادام اللي احبه حيل ماأجيـه ولايجـي عنـدي
أنا لامن كتبت وهمت حكي حب غـدى مذبـوح
صرخ دمه بـدون شعـور كفـى بالله أفهمنـي
حبيبي جاك إحساسي على صافي نقى ووضوح
كتبته قبل ما يومـي تجـي الأقـدار ويكتبنـي
وإذا قلبي خطأ أعذر وأقول انه بعـد مسمـوح
وإذا حبي معك قصـر أمانـه منـك سامحنـي
أبكتم حسرتي .. لكن؟ بقول انك ترى مسمـوح
وبخفي عبرتـي فعينـي قبـل دنيـاي تعدمنـي
وتأكد حبـك بقلبـي لآخـر ماتـروح الـروح
لأني مدري ساعتها مـن اللـي قـام يدفنـي ..
