(((((( منته بـ ناســـــــــــــــــــــــــــي ))))))
منته بـ ناسي .. لكن الغيـر نـسَّاك
ظلمك وهجرك .. حيل زايد عن الحدَّ
منته بـ قاسي .. لكن الغيـر قسَّاك
وأجبرك تقسى فـ المحبة .. وفـ البعد
حاولت أنا أنسى .. مـا بقى من بقاياك
وأترك دروبك .. وأصبح اليوم (مـرتـدَّ) !!
وأحاول أرحل .. وأبتعد عنك .. وأنساك
وأنسى الغلا .. وأنسى المحبة مع الـودَّ
لكن معذَّب ( خافقي ) اليـوم .. ذكـراك
دايـم ( يجيني ) .. كل مـا جيـت أبـرقـدَّ
تـعال شفني .. كل ما حَّل ( طريـاك )
والله .. دمع العين بـ الـعيـن يـشَّتـدَّ !!
وش ( قيمة الدنيا ) .. ياحبيبي بلياك ؟
يعني كذا يرضيك ؟ دمعي على الخدَّ !!
هذا إختيارك .. وإنت حرٍ بـ دنـيــاك
و أنا إختياري واضح ٍ .. ( حظ ٍ أسوَدَّ ) !!
( الحب قاتل ) .. دامـه اليوم نـسَّاك !!
والهجر ظالم بـ المحبة .. وأنـا أشهدَّ
تعال شفني .. كل ما قلت : ( أبنساك )
أكذب ليا من قلت : ( بنساك ) من جدَّ !!
أفـارق ( الدنيـا ) .. ولا أعيش فرقـاااك
لكن على ما قيل .: شكراً على الـصـدَّ !!
