ياحماة الشعر ردوا بالجميل ،،
ياقوااااافي طعمهن كالسلسبيل
ياقراااااح الشعر من فيض النهر
يــامــزون(ن) مــــن بـديـعــات الـمـثـيـل
يافصوص الماس فى وسـط السطـر
يانـجـوم (ن) نـــورت والـوقــت لـيــل
ياشعاع الشمـس مـن بعـد السـحـر
ياشعور (ن) فاض من فيض الجليـل
يامشاعر صـــورت احلااااا صور
ارفعـيـنـي فـــوق هـامــات الـنـخـيـل
واكتبي اسمـي علـى سطـح القـمـر
الـشـعـر لــوكــان مــدعــات الـهـبـيـل
كان كـــل الـنــاس ابـــدع واشـتـهـر
الشعـر كالـشىمس للتاااايه دليل
او كما بـدر(ن) بــدا نـصـف الشـهـر
الشعـر احسـاس بالحـرف الجمـيـل
روح تسـري فـى البـدن قبـل الحـبـر
الشـعـر عـنـدي كـمـا الـحـر الاصـيـل
لا دعـيـتـه بالـعـجـل عـنــدي حـضــر
اعـشـق الـنــص الـزنـيـدي والثـقـيـل
ماتضعضع فــى المبـانـي وانكـسـر
واستمج الحرف فـى النـص الهزيـل
يوم اشوفـه ضــاق صــدري ياعـمـر
يـاحـمــاة الـشـعــر ردوا بـالـجـمـيـل
الشعر يـشـكـوا مـطـاعـن بالـظـهـر
مــن يـدافـع عـنـك يالبـحـر الـطـويـل
الفرزدق لــــو يـشـوفــك مـاصـبــر
ولـو يشـوف الحـال هـذاك الضلـيـل
ذااا الـقـروح الـلـي بـشـعـره مشـتـهـر
كـــان تـــرّك كــــل قــــول وكــــل قــيــل
واعتزل ياصااااحبي نظم الشـعـر
السمـوحـه ياشـعـر شـعـبـك بـخـيـل
اعتذر لـــك واعـتــذر لـــك واعــتــذر
والمصيبـه جــاك بـعـد الجـيـل جـيـل
ماااالهم بـالـشـعـر حــــس ولاخبر
ميـر هـرج (ن) بالـدعـاوي والطبـيـل
سرد حشو(ن) يستمجه من نظر
وشاعـرات(ن) مالهـن بالشعـر طـيـل
مادرن كــيــف الـقـوافــي تـنـجـبـر
مـا اعيـب البـنـت والشـعـر الجـزيل
كم بنت (ن) فـى الشعـر مثـل البحـر
الـبـنـات الـلــي سحايـبـهـن هـمـيــل
هل وبــل الـشـعـر مـنـهـن وانـهـمـر
كنهـن فـى محضـر الشعـر الاصـيـل
مثل خيـل السـبـق والـفـارس ضـفـر
ميـر انـا عيـب الجهـولـي والدخـيـل
من كــلا الجنسـيـن انـثــي او ذكـــر
من نصوص(ن) ذابلات (ن) كالذبيل
مالهن راس (ن) ولا وجــــه وظــهـــر
او نصـوص جامـدات الحـس حـيـل
والمصيبه ذي عـلـى نـصـف البـشـر
او نصـوص (ن) بالركاكـه تستخيـل
لا قـــريـــت الـــنـــص ودك تـنــفجر
