هيجنة قلب على وقع الغياب!
هيجنة قلب على وقع الغياب!
لاوالله الا غيابك طال
خوفي سلي خاطرك عني
ارجع حياتي تعال تعال
غايب عن العين شاغلني
في غيبتك مايغيب وصال
لنك معي قطعة مني
محال مثلك يغيب محال
يامن بحبك مجنني
ياموضة العصر للاجيال
يحلابك اللبس يعجبني
لك جسم ناحل وخد وخال
باشيا كثيره معذبني
عمري مضى والزمان اختال
وانا على الوعد مستني
قبلي بكوا ..ع البنات رجال
صغار.. وكبار.. في سني
ياسيد الحب.. والاجلال
المشتكى منك.. عذبني
لني احبك وحب هبال
وجدك طغى ياملوعني
من اجل عينك اهد جبال
وامشي على النار متعني
حبك جرى في عروقي سال
لين ارتوى كل ..ما مني
ولازال حبك معي لازال
خالي من الشك والظني
ولازلت عايش على الامال
علك عسى يوم تذكرني
ارجع حبيبي حياتي تعال
غايب عن العين مشغلني
