((((( وجدي على من مات بالشوق شايب )))))
وجدي على من مات بالشوق شايب
مآ شآفت عْيونه سوآهآ بصيرهـ
يمرّ عآم ٍ والمجآرح ندآيــــب
مرسومة ٍ بالعين لو هي ضريرهـ
جمر الغلآ بالشوق يلعب طرآيب
والدمع يذرف من سبآيب سعيرهـ
لو حآل بين الحب سبعين نآيب
مع حبنآ لله يمسّه قصيرهـ
صحيح أنا بديآر والحآل عآيب
لكن مرآسيل المحبّه شطيرهـ
وصحيح مآ حنآ عروق ونصآيب
لكن عروق القلب تبقى سفيرهـ
البآرحه عيني كمآ عين تآيب
هلّت حنينه والمعآبر غفيرهـ
مآت الوصل بالنآس والوضع سآيب
وكلّ ٍ على مرمآه يركب بعيرهـ
أرخيت رجلي فوق ضلع العجآيب
أرجي عسى صوتي يجيب البشيرهـ
إقرا كلآم ٍ من صدوق الكتآيب
وأختر على كيفك سلآم ومطيرهـ
رجوآك باللي كلّ مآ دبّ هآيب
مآ خآب من يرجآهـ لو هي كبيرهـ
وأحذر رفيق ٍ بالموآجيب خآيب
ولآ الرّدي مآ قد سمعنآ نعيرهـ
وإن غبت خلّك بالمثآقيل جآيب
مدّت كريم ٍ مآ مثيله خشيرهـ
نآس ٍ تجيب الضيق قسمة وهآيب
لين الحنآيآ هزّها من عسيرهـ
الجرح لآ من صآر بيد القرآيب
يبطي وهو بالجوف يسمع هديرهـ
أقفيت عنهم والسبآيب سبآيب
مآ غير سيف الشوق ضيّع جفيرهـ
أضحك لحآلي والدموع الضرآيب
والحظّ مثل حْظوظ الأسلم حديرهـ
صورة حبيب الروح بين الهدآيب
مآ تنمحي لو بيننآ كمّ ديرهـ
