سهرت أكتب لك أشجاني وغنت لاجلي القيفـان
أدندن حرفهـا لأجلـك ولحـن الحـب موالـي
أدندن حرفها وأنشد وغنـي لـك بكـل الحـان
أغني لك غناوي شوق عساك تروف بحوالـي
وهذي حالة العشـاق وهـذي حالـة الولهـان
وهـذي حالتـي ويـاك حـرف وشعرومثالـي
وأذا بانت انجوم الليـل تسامربدرهـا بشجـان
أشوفك والبدركنه عكس مـن نـورك وجالـي
وناجي طيفك وكني بقصـة كـان يامـا كـان
تمثل حالتك ليلي وحالـة قيـس مـن حالـي
تلاقينا بلا ميعـاد ومحـلاه اللقـا لـي كـان
بدون أحروف كلمنـي نظـر عينـك تهايالـي
سألت الشمس لي كانت تغيب وظلهـا خجـلان
توقف بس لو ساعـه وترجـع تختفـي تالـي
ضحكت وقلت لي وشلون تخالف شمسنا لكوان
قلـت أدري ولاكنـي أريـد يطـول منـزالـي
أراقب خدك بعيني وأناظـر طرفـك الوسنـان
ولا عسعس سواد الليل يواري حسنك الحالـي
ضحكت وقلت لي ش اسمك قلت أسمي قبل سلطان
محمد بينهـن أحـروف علـي التعميرياغالـي
وعشنا في الغرام أعوام نمثل صفـوة الخـلان
ويضرب بالمثـل فينـا ولانـدري وش التالـي
ودارت دورة العشاق وزاد الشوق شان وشـان
ودارن بعدهن أعلـوم مـادارن علـي بالـي
ولاظنيـت ياخلـي بيوم (ن) ينـهـدم بنـيـان
وتلعب به رياح الصد شرق وغـرب وشمالـي
وتهجرني بدون أسباب وتقطع وصلة الولهـان
وتحزن قلب محبوبـك وتفـرح قلـب عذالـي
تلطف يالطيف الروح وعاملني بكـل أحسـان
وبادرني بوصلة يـوم وأرحـم قلبـي وحالـي
سهرت أكتب لك أشجاني وملت منـي القيفـان
أدندن حرفهـا لأجلـك ولحـن الحـب موالـي
