(قصيدة منقولة) عزيز نفس .. ولو / هالناس خلوني ..!
في ساعة الضيق ياكثر اللي تناسوني
وياقلهم في زمان الجّد والحاجه
ما ابي هواهم ولو قامو ينادوني
لي راي يبقى على العالم ومنهاجه
عزيز نفس ولو هالنـــاس خلوني
بعيش شامخ ولااقبل زيف هراجه
اسج عنهم واداوي خافي طعوني
واكتم ونيني واعرف شلون مخراجه
صبري كتاب بحرفه ليت يقروني
وعلاج روحي من الايام بعلاجه
مانيب شاكي وبقهر من تحدوني
العّز ذاتي وصبري مشعل سراجه
وش عاد لوهم اذا اقفيت لاموني
من باع نفسه وش اللي فيه احتاجه
اصحاب حاجه مع الايام عادوني
وخانو غلانا وطاعو ناس هلباجه
واليوم والله نسيت اللي تناسوني
ولاعاد اذكر زمان الجرح والحاجه
