مثل الفراش اللي أنتحر بأحضان قنديل الوعـد
تتساقط أحــلامي على هالـــــروزنامه وتتنتحر
باكرتجي ،لحظة وتجي ،يمكن تجي لين السهـد
يذبح على جــــال الغــــلا حلم التـلاقي المنتظر
ماهي على خبرك طعـون اللي تجيبك لي عــمد
ولاني من اللي ينتظر لــو طـالت الظلمه فـجر
هالأرتعاش اللي سكن ضلعي وفي ضنك بـــرد
ماغيـر زفـرة مارد الشـوق العظيم المحتضر
ينام في جفني السهاد ويصحى في ضيم وكمـــد
وأنا على نفس المكـان أدّور ْلظلمــك عــــذر
كثير ظلمك يالسنين اللي تعب فيك العـــــدد
كثيـــر أمهلك الســراب وفيك أضناني الصبر
لو هالحـــزن ما شالته أكتــــــــــاف عشّاقه سند
باكــر سماء كونه تطيـح وينكسر ظهر النصر
من تنتشي الغيمه أكيـــد أن الغـــــــلا يصبح بلد
ومن تمطــر الغيمه أكيـد أن الثرى ينبت زهر
مايلمس ْجروحي سوى أيـــــــد التي منّي تعــد
ولايمسح دموعي سوى من يشتهي عندي السهر
تعبت أبحمــــل هالشعـــور اللي على كفيّ سجد
ســــافرت به لـوسادتي ليــــن ْبمعاليقي أستقــــر
يا ذابله ما بين صــــدق وكــذب وأحـلام وعهد
هالروزنامهْ بســـــاعتي ذابت تمنينـــــي أنتظـر
إلى متى هالأنتظار يـــــــذّوب ْشمــــوع الوعد
إلى متى حلمـي بحضـن الروزنــامة ينتحـــــر
