وقف معي لحظات ودي احاكيك
بعض الغلا ياتيك من دون سبه
.................... وبعض الغلا تاتيه من قبل يدعيك
ياللي قطع قلبي غلاه ولعبه
.................... وقف معي لحظات ودي احاكيك
الحب بحرٍ يتعب اللي يطبه
.................... ومن قبل بحر الحب انا غارقٍ فيك
القلب مدهالك وريحك تهبه
.................... لين امتلا دم العروق بسوافيك
بسألك تعرف ويش تعني محبه
.................... بسألك لو مابه جوابٍ يبريك
لجل ايش خذت اللي تخون وتحبه
.................... على المكان اللي انا كنت اوديك
ما قلت لك لا خنت ياهيه خبه
.................... تعبت اغمض لك عيوني و اداريك
ودي اجازي راس الايام حبه
.................... اللي غثاها بينت لي خوافيك
تبلا بمن هو عرق قلبك يجبه
.................... ويفري قليبك بالغلا فري بلجيك
تعشق ترابه للجنون وتسبه
.................... في مثل مانا كنت احبك و اغليك
و فجأه كذا من دون داعي وسبه
.................... خاطره يسمح من هواك و يخليك
ويوردك حوض الجفا من مصبه
.................... ويسقي عيونك بالبكاء لين يعميك
وبتذكر اللي ضلع صدره يشبه
.................... ف اقسى ليال البرد من شان يدفيك
وتذكر كلامي يوم دمعك تكبه
.................... ( : بدري على الايام تقدر تبكيك )
ولا الفعل واجد وجعله واربه
.................... زكاة فرقى بعدها ما الاقيك
مانيب اعاتب في كلامي وانبه
.................... لا تمسك يديني ولا امسك ايديك
و مانيب اقوله من غرام و محبه
.................... وماقلته بقصدي على الوصل اوعيك
ويمكن احبك بس الاولى احبه
.................... كرامةٍ تفرض على القلب اخليك
لاتزعج الدمع اعتذار وتصبه
.................... انا مع اخر بيت ب اكون ناسيك
روح فمان الدمع مابي احبه
.................... ماعاد باقي شي و اقول يمديك
ودعتك اللي ما يبيك وتحبه
.................... ودعتك اللي ما يحفظك وياليك
