الخافي المكنون
مصير الليالي تنبش الخافي المكنون
مثل ما على الخافي تراخت بغدراها
تخالف الامور وتآه بالعاقل المجنون
عذاب المطمّه سنّدت غير مركاها
صواب البصاير ما يجيبه سواد عيون
ليا صار ما اللي بين الاضلاع يدراها
عنا المبتلش فيما يخص البشر مرهون
لكل النفوس اللي حقرها و برضاها
لذلك حياة الناس من كل ما يرجون
تحطم الكثير وتشغل النفس رجواها
ولا تحفظ علوم الوقايع هم يقولون
رطنها المضعضع كلمته ما طلبناها
ترى لك ثلاث من زمانك ذرا وحصون
ينابيعها و جذورها و قاع مرباها
عليك تعرفها يا لبيب و تشوف الكون
من اكبر مساحه سانحه لك تروّاها
واذا ما حصل لك جات بك طقة الجالون
على طول ولا عرض حاويك مبناها
وترى مقوس الاضلاع فيها ذهب قارون
وفيها تصافق موج فرعون واصداها
أطش النفيس ويفتك بلبة الدندون
وأطش النحيس وغبة الموج منفاها
