يسعد صباحكم / مساكم
هلا بالجميع ...
من ارشيفي القديم واتمنى ينال رضاكم ..
وحشتك يالغلا ولأ ..
خذتّك دنيتك عني؟
وربّك ماقوى يسلى
خفوق(ن) سالبهْ مني
متى مامرّ به هلاّ
خيالك وانتشى يغنّي
هلا بوضحكة(ن) خجلى
هلا بشوق(ن) يمرمرني
هلا بونظرة(ن) تحلى
تلملمني .. وتنثرني
حبيبي لا حشى وكلاّ
لغيركْ خافقي ايحّني
احبك ياشذا الفلاّ
ياحب(ن) آآه ذوبّني
غرامك فالحشا حلاّ
وروحي انته وفنيّ
احبك امنيّه وخلاّ
احبك منيّ وعنيّ
حبيبي ياعسى وعلا
تعوّد لي .. وتذكرني
بدونك دنيتي ثكلى
ووقت(ن) خاب به ظني
طابت صباحاتكم ..
اخوكم / رايق البال
