ء
قصــــيدة / أصعب سُــؤآل
للشآعـــر / محمد جآرالله آلســهلي
تعبت اعيش الدور وافتح للمعاذير الخيال
................... واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
............... ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال
................. يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
............... للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
............... وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
.............. واقرى القصايد في غيابك كلبوها بيت ... بيت ..
بتدرى ان ( اصعب سؤال ) اللي يجي رده ( سؤال )
................ لا قلتلي ( وش ذكرك ؟ ) ثم قلتلك ( متى نسيت ؟ )
https://www.youtube.com/watch?v=fGah-kMBkPs
