بن قضعان والنسناس
بسم الله الرحمن الرحيم
سمعت ببيت شعري للشاعر الكبير ضيدان بن قضعان ...
فلفت إنتباهي وأحببت أن أكتب نص يعكس نظرية بن قضعان بأن نسمات الجنوب هي النسمات المحملة بالرطوبة المأخوذه
من رذاذ الضباب ...
الشطر هو (ياوجودي كل ماهب نسناس الشمال)...
ياوجودي كل ماهبّ نسناس الجنوب
وجد بن قضعان لاهب نسناس الشمال
وجد من شاهد من البعد دخان وشبوب
وجد قناصٍ يشوف الحبارا والغزال
وياوجودي وجد عاشق عشق بنتٍ لعوب
وجد من هو شاف لــه برق واغيومٍ تخال
وياوجودي وجد راعي غنم شاف النصوب
وجد من شاهد برد منتثر فوق التلال
وجد من يبني له قصور مافيها عيوب
لادخلها حسّ بالأمن والرزق الحلال
لهفة المضرور لاراح من داره هــروب
تارك بلاده وربعه لسطو الاحتلال
وجد من هو شب جسمه وفي وجههه حبوب
وجد شيخٍ حايرٍ لافقد لام العيــال
آه ياويلي على من سلب لبّ القلــوب
استحلّت مركـز العــزّ في حسن الجمال
فاتنه ريّانة العود مافيها عيـــــــــوب
خصّهـا الخالق بكل المعـــاني والكمال
تجعل قلوب المحبين بالنظره تذوب
تفتن اللي شافها صار في عقله هبال
لو تمس الورد بيدينها عطره يجوب
يكتسب من مسكة ايدينها برد الظلال
تسحر الشاعر وتجعل لحاسيسه عطوب
وتجعل الرسام لاشافها رام الخيال
وجهها لاقابلت كنّهـا شمس الغروب
ويلها تكوي وتذبح ولا تعطي مجال
بوغريب يقول ماطاق عن خله يتوب
وش يسوي بعدماهاجرت بنت الحلال
كلمات/ صالح أبو غريب...
رد: ***ديوان الشاعر صالح ابو غريب***....
