خطا..لـــو يـمـتـلي قـلـبـك حنين وما تقول اشتقت
مــدام انــــك لــقـيــت اللــي فــتـح لك للفرح بابه
تـكـلـم..بـوح لــه ..سولف وبين ضيقتك لو ضقت
وخـلـه يـعـــرف شــعـــورك اذا حـســـيـت بغيابه
اذا شفــت ابـتـسـامه في عيونه قول: تو بس رقت
لان انــت الـوحــيــد اللـي احـــس العمر يحلى به
عشـــــانه عــلـمـه كم من قصيد فـ داخلك احرقت
وأن اجــمــل قــصــيــد بـيـنـكـتـب لجله وبـ اسبابه
وكـــل اللــي انـكـتــب قـبـله اخــذتــه كله وشققت
وان ايـــــة قـــصـــيـــدة حـــب مـا تـعـنـيه كذابه
ووضح له شكـثـر قبله من اصحاب العمر فارقت
لانـــك تـنــتـظر لحــظة وصـــوله لـجـل تحيا به
لجــل يرسـم على وجهك فرح كلما يحس اطرقت
وسـجـيـت بخـيـالك تـنـتـظـر صــــــوته وترحابه
يداعب مسمعك لحظة يقول:اشفيك؟!..رد:ما فقت
انـا كــنــت احـســبــك حـلم وكثير احلام تتشابه
ولــكــنـك حـقـيـقــه مــن وصـلت لـدنيتي أعتقت
مسـاجـيــن الحــروف الـضـايعه في ساحل كتابه
وش أجــمــل مــن حـبــيـب تـعــيش به لـ اطلقت
عــصافـيـر الكـــلام لغصنه الراوي وتزهى به؟!
وخــذ ايــده بأيــدك قــول:تو اللحين بس صدقت
بأنــك أثــمـــن وأغـــلـى هـــديـه هـالـزمن جابه
وقـلـه وانت تـكـتـب لـه (احـبك) في يده:أشتقت
وقـــلــه وانـت تــفـتــح لــه بـقــلـبــك كل ابوابه
تعـال نعيش فرحتنا غصب عن عين هذا الوقت
انا مــلــيـت مــن حزني وظلم الجــرح واصحابه
