يانجوم الليل ، هيضتي شجوون
شاعرن ماجاب من / نسج الخيال
جابها من واقع هموم وطعون
وغيمة الضيقهه لها : بصدره ظلال
كل ماقلت اصبر شوي وتهون
ارتكت فوق الصدر ( مثل الجبال )
يوم عيني فارقت ذيك العيون
والليالي / خالفت كل احتمال
لا سمعت الناس فيه يسولفون
صاح قلبي ( ليش ) جبتوا له مجال
ليتهم يدرون هذا ، من يكون
وليش دمع العين يوم : اطروه سال
ذاك من حبهه وصل - حد الجنون
بالدلع والزين / وايات الجمال
عوده الليان نوع ؛ من الغصون
والخدود الشمس ` باطراف الخيال
لامشى يرسم له .. الخطوه بهون
كل خطوه قالت : لقلبي تعال
والورود اللي على / ذيك الوجون !
لا ضحك فاحت` من يمين وشمال
مالنا بعده سوى / جر اللحون`
يوم راحت به ظروفه واستحال
قلتها وانا : من الوقت امغبون
ولاحسبت احساب وقتي يوم مال !
