صباح الوله ياللي احتري ريَك
ظلامك ذبحني وطلة الصبح بيدينك
غصون الغلا يبست ولامرها ميَك
على ويش تبخل والبحر بيني وبينك
وش الصبح لو مايسرق النور من ضيَك
وش الشعر لو مايشرح إعجاز تكوينك
صباحي غياب وضيق ولا إنت يا حيَك
تعيش الحياة وكني ماغبت عن عينك
رحلت وأنا للحين كل صبح أمر حيَك
شسوي بقلبي؟من بعد ماادمن سنينك
فديت العيون الناعسة ياحلو جيَك
تبسم ترى بسمتك تنعش محبينك
ألا يابعد حيي وألا يابعد حيَك
وألا يابعد كل البشر رد لي وينك
عيوني على الجوال كل ليلة تشيَك
عسى الله يقدرها وعسى الله لايهينك
تبي تعرف ليه القلب مو لاقي زيَك؟
لأنه عشق (روحك) قبل يذبحه زينك
غيابك ذبحني وأنت لا والله ياحيَك
تعيش الحياة وكني ماغبت عن عينك
ترى ماهو بس اللي سأل ساكن بحيَك
أنا..والقصيد..وكلنا / نسألك وينك؟
وينك ؟
وينك ؟
وينك ؟
وينك؟
