غالي ليا من غبت وان جيت غالي
يسعد صباحكم / مساكم
هلا بالجميع ..
لقاء آخر يجمعنا احبتي واتمنى ماراق لي يروق لكم ...
خذني معك لاجيت ترحل عن الناس
مالـي بعـد فرقـاك بالناس غالي
.
أنت الوحيد اللي معه عشت الاحساس
وانت الوحيد اللي لـه ارتـاح بالي
.
من بعد فرقانا غلب صبري الياس
مالي على الفـرقا صبر وإحتمالي
.
أذكر ويسقيني حنيني من الكاس
وانسى ولا ينسى ضميري سؤالي
.
عن غيبتك وأسباب حزني والاتعاس
وظلم السنين وجـور سود الليالي
.
بعد الغروب وقبل لحظات الادماس
يبدا مع اسـراب الهمـوم إرتحالي
.
تخنقني العبرات وتضيق الانفاس
واصبح وحـيد بديرتي وإنعزالي
.
بعدك عرفت إن الغلا ماله قياس
وبعدك عجزت اعيش يومي لحالي
.
وبعدك عرفت الفرق ياعقد الالماس
بين الشعور الواقعـي والخـيالي
.
غلاك في كفه وفي كفه الناس
غالي ليا من غبت وإن جيت غالي
طابت صباحاتكم ...
اخوكم / رايق البال
