اللي بقلبي كبير لك يا الغلا ما يروح !
اللي بقلبي كبيرٍ لك يالغلا مايروح
لو طال ليل البطى واصبحت عني غريب
تبقى الهوى والمنى واضح كثير الوضوح
ماهو صغيرن ترى وبالبال منته تغيب
ايامنا اللي مضت فيها بنينا الصروح
عن الغلا يالغضي واصبحت اغلى صحيب
في وقتنا نهتني بالهمس واطرح مزوح
كنت الدواء لعلتي للجرح كنت الطبيب
واليوم جانا الفراق من وقت طبعه شحوح
ماهو يدوم الوصل ولاشك هذا نصيب
عيني بكت والخفوق والله انه ينوح
حاله حزينن وانا الحال حالي صويب
لا ماشكيت الهجر لا ماشكيت الجروح
إنت الوفي الحنون من دون شكٍ وريب
مع السلامه انا راحل ودمعي فضوح
بيّن مآسي الخفوق وبانت ليالي النصيب
ودعتك الله و ابي منك العذر والسموح
إن كان في يوم جاك مني خطا يالحبيب
اللي بقلبي حزن ودموع عيني تنوح
الصبر ابلزم عسى الخير ياتي قريب
