عيونـي تشبـه اعيون اليتامـى كلَّهـا حاجات
أجرجرني على وجه السنين.. و يسقطـون أموات
................ من فتوق استباحت صـدري و طالـت غواربها
لك الله من كثر مـ نْقل جثثهم في ضلوعي..مات
................ خفوقي , و اصدق ادموعي عليهم صـرت اكذِّبها
وحيد ولاني محتاجك أنـا كل حاجتـي .. أصوات
................ أشيل إبْهـا تعب صدمـة عمر وجهـي تعزَّبها
عيونـي تشبـه اعيون اليتامـى كلَّهـا حاجات
................ وضلوعي كل ضـد و ضـد يسعى فـي مناكبها
و دروبي من كثر ما هي تدسّ إلْـ جيتـي نكبات
................ قبل مـ ارسـم بهـا خطواتـي البيضا ...أراقبها
من سنين الحليب أعظامي أعتادت على الطيحات
................ أطيح و كل ما طحت العـزوم اتغيـب .. و اندبها
تعال وابقي فيني..وشوف وش ورى الطعنات
................ بِـ تَـلقـى القهـر و وجيـه ما تحشِم قـرايبها
وش أحكي لك؟عن الغربة!عن أوجاع استحلَّت ذات!
................ أو أحكي لـك عن هْمـوم ٍ تِجَاذَبْنِـي و اجَاذِبْهَا!
صحيح إني تعوَّدت أنصدم و إلـْ هامتي صدمات
................ ولكن صدمتـك شالت من ضْلوعـي .. حبـايبها
