(((((( تدري وش اللي يتعب البنت ياخوي ))))))

تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة

إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده

البنت ريحانة غـلا ... ناعمـة عـود
تبـي لهـا رجـلٍ ورث طيـب جــده

رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود
وادنـاة مـا عـارض طريقـه يــرده

ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـده

ما اشين من الرجـال لا جـاك ببـرود
وإن قال له تـرف القـدم شـي صـده

تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده

وإن نادته تكفـى لقـت عنـده الفـود
يشيـل عزتهـا علـى قــو زنــده

كفه نفل ... وانفاس صدره لهـا عـود
وظلالـه الضـافـي بيـدهـا تـمـده

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود
يا خوي مـن يقطـف نواويـر وردة

واللي يهين البنت ناقـص ... ومقـرود
فرس غـلا ... ماهـي حمـارة مكـدة

تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة


صح لسانه الشاعر
ولا هنت على النقل الجميل أخي
يسلم ذوقك الراقي


" نص يستحق النجوم الخمس "

حبي خالص تسلمين ياذوووق مرورك الراقي اضاف الروعه للطرح
وشكرا لتزيينك الصفحه بالنجوم الخمس مرور لا عدمناااه

.
.


أخي / نسر البوادي ..
نص في غااااية الروووعة ، ذوقٌ راآقي !
أسعدكـ الرحمن !

زهره تسلمين اختي مرورك الراقي اسعدني

تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة

إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده
ابيات جميله بمعانيها وكلماتها
دمت راقيا بذوقك

انتي الذووق كله اختي نورمان مرورك العطر اضاف الروعه يعطيك الف عافيه ياذوووق

كلمات النص رائعة
شكرا يا نسر

تسلمين احتي اشتاق للجنه مرورك العطر اسعدني

هلا فيك نسر ..
نص واختيار جدا راقي الله عليك الله
الف شكر لجهدك واختيارك وتفاعلك الجميل
طابت مساءاتك ..

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً :) !

صح لسانك مجنونك المغزى من هذه ألقصيدة كانت اقوى ماشاء الله

الله عليك استاذي اختيار رائع كلك ذووق
احترامي،،