أكـثــر الـهــم بـفـكـاري جـنـيـتـه
مشـكـلـة خـافـقــي والا زمــانــي
ابتــلاني فؤادي ...وابتـليته !!
لين شيّدت .. بحساسه مواني
أتـخـيّـل غــــرام (ن) ماسـلـيـتـه
اتـبـع الحـلـم واســـوق الامـانــي
طــاب حـرفـي ولــو انــي بغيـتـه
يشرح الهم ..! جاء في هم ّ ثانـي
تـل قلبـي علـى اللـي مــا نسيته
تـل حبـل الرشـاء فـوق السـوانـي
صاحب(ن)من غذاء روحي غذيته
حافظـه حفـظـي السـبـع المثـانـي
عشت ليلـه وفـي صـدري حميتـه
احـسـب الـوقـت واعــدّ الـثـوانـي
لا احترانـي وانـا ..قبـل احتريـتـه
جيت عانـي ..وانـا مازلـت أعانـي
أغـرب الـحـب بحسـاسـي بديـتـه
أرقـبــه وان تباطـيـتـه جفــاني
كـــل مـا امــدّ خـفّـاقــي وجـيـتــه
كأنّـي الصاحـب اللـي صـار جانـي
لاشـربـت الوصال .. ولا رويـتــه
أرقـب الـجـدي وسهـيـل اليمـانـي
وقـت فيـه الخطـاء ينـذاع صيـتـه
يتـبـع الـشّــح بـيـديـن الانـانــي
