" مُـو دموعگ " .
-
مو دموعكْ...
اللي سالت من عيونك
هذا دمعي
ما لقى بعيني مكان ما تجرَّح
قام قفّى من جفوني وسار جرَّحها جفونك
مو دموعكَ...
اللي سالت من عيونكْ
هذا دمي صار ملحْ ومايْ من بحر العذابْ
وانفلق لما ضربتهْ بالغيابْ
وصار غيمه عن يميني
مطَّرتْ بالجفنِ ِ عندكْ - وأنت بَعدِي -
وصار غيمه عن يساري
مطَّرتْ بالجفن عندي – وانت بُعدي-
وسار بالنص الحنين اللي تركته ْ
ضايع ٍ بيني وبينكْ
وسار عمري اللي أخونه كل لحظه
وما قدر لحظه يخونكْ !!!
مو دموعكْ...
هذي أشواقي مراكبْ
سافرت مني لحدودكْ
في موانيك البعيده
وقفت تجمع عطوركْ من ورودكْ
والشذا اللي ظل باقي من وعودك
حتى من ترجع لصدري
تبيع منه لغيبتكْ...
شويه من ريحة وجودكْ
ولما شدّت حتى ترجع
سال من جفنك حنانك
راد من عندك يردْ لحضن من حضنه مكانك
لحضن مَنْ :ما (كنته) لكن - يا خساره- هو (كانكْ)
مو عدل هذي القضيه !
بعلمي قتلي: ( كونني وأني أكونكْ )
روح وحده يضوي بيها الحب شمعه !
مو عدل تبكي عليا وآني كلي صرت دمعه !
ومو عدل عايش جنوني...
ورحمة الله على جنونك !
مو دموعك...
لا تقول إنك بكيت على فراقي
لسه دمعك يا حبيبي ما نزلْ مثل السواقي
لسه حزنكْ جاي في ثلج المدينه
في المطارات البعيده
وفي المساءات الحزينه
لما تزرع وحدتكْ ورده على قبري
وابقى ذكرى للربيع اللي بصيفٍ قد مضى
كانت زهوره في غصونك
يومها – صدقني- والله ...
راح تفيض الآه من غيمة عيونك
يا عسى ( الله بعوني ) ويا عسى ( الله بعونك ) !!!
حنين عُمر
